- Fonte: 20minutos /
Un de los miradores más impresionantes d’Asturies: vistes 360 graos del mar y los montes. Dende esta plataforma elevada vamos poder contemplar dende los Picos d’Europa hasta’l mar Cantábricu. Amás, dende equí parten interesantes rutes de senderismu pola naturaleza.
Asturies ye tierra de montes serrapatosos, llagos glaciares y pueblos d’arquitectura tradicional, de sableres solitaries, llombes verdes y una biodiversidá única. Y la meyor manera para contemplar tola guapura d’esti territoriu del norte d’España ye dende un mirador. El de San Roque, el de la Regalina y el del Monte Naranco son dellos exemplos de miradores que nos dexen asomanos al paraísu. Per otru llau, un de los más espectaculares ye’l del Fitu, una talaya onde almirar el mar y los Picos d’Europa dende una perspectiva única.
