- Imaxe / Confederación /
Descargar ficha(
) / mapa /
- El Ríu Navia ye un cursu fluvial que, dende la so nacencia na aldega de Busnullán (Piedrafita del Cebrero) en Llugo, a 1.000 metros d’altitú, hasta la so desaguada, ente’l Cabu de San Agustín y Peña Furada, onde forma la Ría de Navia (Asturies), percuerre 158 kilómetros.
- Mientres el so percorríu actúa n’ocasiones como frontera natural y política ente Llugo y Asturies.
- Crucia dieciséis conceyos, que son, agües embaxo: Piedrafita del Cebrero, As Nogáis, Becerreá, Cervantes, Navia de Suarna, Ibias, A Fonsagrada, Negueira de Muñiz, Grandas de Salime, Ayande, Pezós, Eilao, Villayón y Bual, pa desaguar na ría que dixebra Coaña y Navia.
- Los sos principales afluentes son los Ríos Ibias (50,1 Km.), Suarna (14,5 Km.), Ser (23 Km.), del Oru (22,8 Km.), Agüeira (47 Km.), Lloreo (14,2 Km.) y Meiro (20 Km), yá na so desaguada y percorriendo el conceyu de Cuaña.
- La cuenca hidrográfica que la alimenta tien 2.578 Km.2, un ríu bien caudalosu ente los qu’arramen les sos agües al Mar Cantábricu.
- El so caudal mediu añal ye de 62,85 m.3/seg., con mínimes branices de 20,26 m.3/seg. y máximos de 118,84 m.3/seg.
- El caudal máximu d’un ríu asturianu algamó’l Navia’l 11 d’avientu de 1959, con 1.500 m.3/seg, rexistraos na estación d’aforu de Doiras. El 75% de les crecíes alcontrárense nel periodu payares-febreru.
- El banzáu de Arbón, que la so presa atópase a namá 12 km. de la desaguada, inauguráu en 1967.
- Banzáu de Doiras, ye’l segundu enagües enriba, con una presa de 90 m. d’altor. Foi inauguráu en 1934.
- El banzáu de Salime, inauguráu en 1954. Nel so día foi la más grande d’España y la segunda d’Europa.
Los materiales polos qu’escurre’l calce del ríu son eminentemente pizarrosos, con arenisques y cuarcites, del Paleozoicu inferior. Foi ricu en pebíes d’oru y xacimientos auríferos, esplotaos yá polos romanos.
El ríu drena diverses árees suxetes a figures de protección, como los Llugares d’Interés Comuñal (L.I.C.): Ríu del Oru, Sufrerales del Navia, Fuentes del Narcea y del Ibias, Ríu Navia, Ríu Ibias, Sierra de los Llagos y el Paisaxe Protexíu de Carondiu y Valledor.
Ente los destacaos como Monumentos Naturales destaquen les Cascaes d’Oneta (Villayón), trés saltos d’agua de gran guapura nel ríu del mesmu nome (afluente del Regueru de la Pontiga, que desagua nel emblase d’Arbón). El primer saltu ye’l más altu, con más de 20 metros de cayida, y ye tamién el más bono de visitar.
Fonte:
