Un mapa d’Asturies con 300 allugamientos para los amantes del senderismu: «Nun pensábamos que diba gustar tantu». Carlota Fernández y Chus Vázquez, ceadores del blogue «Hiking Asturies», llanzaron una completa guía con rutes, cascaes, llagos, miradores y numberosos puntos d’interés para quien quieran afayar tola guapura natural de la rexón.
?️Cola ayuda d’esti mapa vas afayar más de?300 allugamientos ordenaos por categoríes, dende les Cascaes más espectaculares hasta Montes bien pocu conocíos.
?Pinchando nel puntu del mapa vas atopar semeyes, una curtia descripción y enllaces esternos a:
?️Track de Wikiloc
?Publicaciones na Redes Sociales
?️Publicación nel Blogue
?Tan solo tienes que GUARDALO nel to Google Maps y vas poder consultalo toles vegaes que quieras, yá sía per zona o por CATEGORÍA:
?Rutes de Senderismu
?Rutes de Monte Cascaes
?Montes
?Llagos
?Sableres y Cabos
?Cueves
?Miradores
?Pueblos
?Otros Llugares d’Interés
Rutes de senderismu, cascaes, llagos, miradores y numberosos puntos d’interés. Tou ello arrexuntáu n’un mesmu mapa col qu’esfrutar del enorme encantu natural d’Asturies.
«Hiking Asturies» ye un portal onde comparten les sos esperiencies y percorríos que resultó nun gran ésitu d’usuarios dixitales. Coles mesmes, la so presencia en redes sociales ye cada vez mayor y el númberu de siguidores nes plataformes onde tán presentes, como Instagram o YouTube, nun fai más que crecer.
«Siempres tuvimos muncha afición peles rutes y les salíes al monte», esplica Fernández. Nel so casu, heredó esti interés de los sos padres, «que son montañeros», ente que l’afinidá de Vázquez pola naturaleza llevolu inclusive a enfocar los sos estudios profesionales nesti ámbitu. «Les nueses salíes de senderismu fueron siempres bien habituales. Llegó un momentu, va unos años, nel que decidí montar el blogue. Nós somos los primeres que miramos n’internet otres páxines de clubes o aficionaos para ver rutes, y paecióme una gran idea», rellata la ceadora de «Hiking Asturies».
Amás de sirvir como guía para munchos usuarios, el proyectu tamién dexa a Fernández desenvolver otres de les sos pasiones como la fotografía y les redes sociales: «Venceyamos el blogue a Instagram y Facebook y empezamos a crecer enforma». Na primera d’estes redes cunten con más de 40.000 siguidores y les sos «reels» amosando rutes n’apenes unos segundos afaren n’internet.
