«Contra too pronósticu, nieva en dalgunos puertos de montaña
y la nueche foi pasada per agua en zones del llitoral»
y la nueche foi pasada per agua en zones del llitoral»
- Alborecemos col cielu nuble ya con unes temperatures que tan alrodiu de los 5ºC, rexistrándose nel puirtu Payares -3,2ºC onde nieva mui seliquinamente.
- Güei van dir dixebrándose les nubes del alborecer pa quedar el cielu poco nuboso o escampláu, mentantu que al escurecer volverán a surdir les nubes pa dexanos una nueche nubosa col riesgu de que caiga dalguna gotera, sobre too na fastera más oriental d’Asturies. Les temperatures van camudar poco y l’ambiente seguirá siendo ivernal.
- Mañana domingu alboreceremos con dalgo de nubosidá que dirá dixebrándose pela mañana, pa quedar nuevamente’l cielu poco nuboso o escampláu con unes temperatures que suben llixeramente ya col aire que sedrá sele ya variable. Al finar el día puen surdir nublines ya borrinos no fonderu los valles.
- El llunes en dellos valles alborecerán ente’l borrín y la nublina, ellí onde nun se presente xelará col cielu escampláu. Durante la mañana l’aire ábrigu fadrá actu de presencia empobinándonos nubosidá media-alta y un ascensu de les temperatures másimes que van averase yá a los 15-16ºC
- Martes y sobre too miércoles l’aire ábrigu templará muncho l’ambiente pudiendo soplar con fuercia en zones altes de montaña.
- El xueves una vaguda atlántica mos afeutará, apurriéndonos precipitaciones febles en xeneral y un nuevu descensu de les tempertures, pero esto yá lu diremos viendo.
