A los sos 40 años consiguió deconstruirse y vivir el folclore y tradición asturianos d’una manera bien distinta a como empezó faelo cuando a los cuatro la so ma apuntola a baille rexonal.
Cantante, panderetera, artista visual, doctora n’Arte y cincuenta per cientu del dúo de post folk asturianu L-R, Leticia Baselgas esnuda la so alma al públicu con Diarios d’una panderetera, la so primer publicación non académica, compuesta a partir de los relatos qu’escribía nos sos diarios desque yera pequena.
Diarios d’una panderetera fala de tradición, d’identidá y d’autenticidá, pero sobremanera, fala d’entendimientu y autoconocimientu, el d’una neña, que yá non lo ye, que cavilga dende les sos primeres esperiencies nun grupu de baille marcáu pola disciplina y l’imaxinariu posfranquista, pasando pol so desencantu cola música tradicional y l’escesivu rigor etnográfico, para acabar atopando un espaciu nel que desenvolver la so verdadera llibertá creativa, nel post folk asturianu.
Tradición, identidá y autenticidá son conceptos alredor de los que Leticia Baselgas—metá del dúu L-R y una de les panderetes más importantes del panorama musical n’Asturies— lleva reflexonando de magar yera una neña y que, agora, aborda en forma d’ensayu nestos trepidantes diarios personales escritos per más de dos décades.
Con ritmu cinematográficu y la guía d’una documentada brúxula teórica, Baselgas rellata les sos primeres esperiencies nun grupu de baille marcaes pola disciplina y l’imaxinariu folclóricu posfranquista; el so posterior desencantu cola música tradicional y el rigorismu etnográfico; y, pa cabu, la so llegada al conceptu de post-folk-asturianu como un espaciu de llibertá creativa.
La presentación n’Uvíeu será el vienres 13 d’avientu, a les 19:00h, na Llibrería Matadero Uno (Plaza de Riego, 1) y contará cola presencia de l’autora, Leticia Baselgas, el prologuista de la obra, David Guardado, y la llibrera Natalia González Menéndez.
- Leticia González (Baselgas) ye una de les pandereteres más reconocíes del folclor asturianu.
- Foi miembru de grupos como Menaxatruá o Trovando Tríu y tamién formó parte de la xunta directiva de l’Asociación de Música Tradicional “Muyeres”.
- Formó parte de colectivos d’ investigación etnográfica y de cultura tradicional d’ ente los que destaquen el Conceyu de Cultura Tradicional Vezos Astures.
- Tamién fundó otres formaciones de música asturiana como Menaxatruá o Trovando Trío.
- Collaboró activamente con agrupaciones como Xeitu y trabayó cola Asociación de Música Tradicional Muyeres hasta 2016, siendo parte del so equipu directivu.
- Nos últimos años llevó la pandereta asturiana a otros estilos musicales. Uno de los sos oxetivos ye averar la pandereta asturiana a otros estilos musicales al traviés de collaboración con formaciones como Lorena Álvarez y su Banda Municipal o Pablo und Destruktion o Losone.
