- Fonte: Digitaldeleón /
- Festival Art Aero Rap: web / Playlist Spotify /
El gran mural d’un pueblu lleonés compite por ser el meyor grafiti del mundu en siendo escoyíu. La localidá lleonesa de La Bañeza convirtióse nun referente del arte urbano gracies al festival Art Aero Rap. Na so última edición, una de les obres creaes, titulada La mensaxera, compite por ser el meyor grafiti del mundu según la plataforma internacional Street Art Cities.
Esti mural, realizáu pol artista Uri.kthr (Uri Márquez Cateura), ye una metáfora visual que convida a cavilgar sobro’l cuidu del mediu ambiente. Na obra representase a una moza sosteniendo un caduceo —un símbolu de paz y resolvimientu de conflictos— al pie de un recipiente qu’asemeya un reló de sable. La tierra que cai amodo simboliza’l pasu del tiempu y la degradación de la redolada natural.
La pintura ta allugada na cai Rei Juan Carlos, nuna zona onde pueden apreciase más de 20 obres urbanes nun radiu de 200 metros. Anguaño, el festival Art Aero Rap celebró la so undécima edición, dexando un legáu de 19 nuevos murales en La Bañeza, que yá cunta con un total de 350.
Esta reconocencia asitia a La Bañeza como un muséu al campu y refuerza la so identidá como destín de creatividá y conciencia ambiental.
