- Fonte: LNE nome neñu / LNE nome neña / videu /
Esta ye la llista completa de cómo llamaben a los ñácaros nel sieglu XIII nel Principáu, los nomes que más s’usaben n’Asturies na Edá Media según los documentos atopaos. Estos son los nomes masculinos más frecuentes na Asturies del sieglu XIII: Pedro, Pelayo, Gonzalo, Rodrigo, Johan, Martín, Fernando, Domingo, García y Alfonso. L’Alonso castellanu ye l’Alfonso asturianu.
La llista de nomes femeninos más usaos na siguiente: María, Sancha, Marina, Urraca, Dominga, Elvira, Controdo, Mayor, Illana y Aldonza.
¿Cómo yeren los nomes na Edá Media n’Asturies?, ¿yeren bien distintos en 1.200 (principios del sieglu XIII) a los d’anguaño? Hai munchos nomes que perduraron hasta los nuesos díes, otros non. Nel casu de los neños, Pelayo yera y sigue siendo unu de los más comunes. Nel casu de les moces, ente los más usaos taba y ta María.
Esta información ye la resultancia de la investigació del periodista Eduardo García que publicó un coleccionable llamáu «La Edá Media n’Asturies». Son seis llibros inéditos pa esfrutar d’un fascinante viaxe al traviés de mil años d’hestoria rexonal, dende la entrada de los pueblos xermánicos na península Ibérica hasta’l final del sieglu XV, cola conclusión de La Reconquista y el descubrimientu d’América.
