El Conseyu de Patrimoniu Cultural da’l preste a la declaración de la cultura del acebache como Bien d’Interés Cultural-
Al acebache dan-y n’Asturies, cultural y socialmente, un valor incontestable que se revela nel so usu a lo llargo de la historia -
Les Mariñes, en Villaciosa, concentra’l mayor númberu de talleres artesanales que siguen vinculaos al trabayu d’esa materia prima, produciendo pieces tradicionales y xoyes innovadores.
El Conseyu de Patrimoniu Cultural da’l preste a la declaración de la cultura del acebache como Bien d’Interés Cultural
- Al acebache dan-y n’Asturies, cultural y socialmente, un valor incontestable que se revela nel so usu a lo llargo de la historia
- Les Mariñes, en Villaciosa, concentra’l mayor númberu de talleres artesanales que siguen vinculaos al trabayu d’esa materia prima, produciendo pieces tradicionales y xoyes innovadores
La conseyera de Cultura, Política Llingüística y Deporte, Vanessa Rodríguez, presidió güei’l plenu del Conseyu del Patrimoniu Cultural d’Asturies, nel que s’informó favorablemente la declaración de la cultura del acebache como Bien d’Interés Cultural (BIC) de calter inmaterial.
El Conseyu, máximu órganu asesor en materia patrimonial del Principáu, emitió informe favorable a la declaración, un pasu decisivu primero de que’l Conseyu de Gobiernu apruebe’l decretu correspondiente que va oficializar esta protección.
La cultura asturiana del acebache
La existencia d’un xacimientu d’acebache d’una calidá escepcional n’Asturies fixo posible, yá dende dómines remotes, la so esplotación minera y el so aprovechamientu artesanal, surdiendo una cultura basada nes cualidaes d’esti mineral tan singular. Ente les sos virtúes, destaca’l so supuestu calter profilácticu, que fixo posible ellaboraciones artesanales perdemandaes coles que se comercializó, sobre manera, fuera de la rexón; tanto al traviés de formatos convencionales, como cigües, como en versiones singulares, n’ellaboraciones variaes de xoyería.
La so trayectoria histórica y artística identifícase con una área xeográfica determinada: Les Mariñes de Villaviciosa y la so rodiada, onde pervivió la tradición minera hasta hai un par de décades y onde se concentra’l mayor númberu d’artesanos qu’entá siguen vinculaos al trabayu d’esa materia prima.
L’oficiu d’acebacheru, güei amenorgáu nel númberu de los sos artífices, ellabora y comercializa básicamente dos tipos de productos: pieces tradicionales de les que xeneren una gran producción (por exemplu, cigües que se vienden mayoritariamente al mercáu compostelanu y asturianu) y pieces singulares de xoyería que salen de talleres nos que se define un estilu propiu, trabayándose’l diseñu y una ellaboración distintiva y innovadora, nuna llinia qu’incorpora materiales nuevos. Dambes tienen puxanza y mercáu.
Resulta claro qu’al acebache confiéren-y n’Asturies, cultural y socialmente, un valor incontestable que se revela nel so usu a lo llargo de la historia. La so rareza, el so color, el so rellumu y la so inalteriabilidá, amás de les sos propiedaes supuestes, espliquen un apreciu que llegó al sieglu XXI y que xustifica la so protección patrimonial al traviés de la declaración de la Cultura del acebache como Bien d’Interés Cultural de calter inmaterial que ta impulsando’l Gobiernu d’Asturies.
L’espediente de declaración BIC incoóse formalmente con una Resolución de 11 de xineru del 2023, llográndose nel trescursu de la so tramitación informes favorables a la declaración del Real Institutu d’Estudios Asturianos y de la Universidá d’Uviéu.
*Pie de foto: la consejera de Cultura, Vanessa Gutiérrez (quinta por la izda, en la imagen) preside la reunión del pleno del Consejo del Patrimonio Cultural.
