«Nun hai que tener mieu a la cultura,
nin al entretenimientu, llibertá d’espresión nin humor.
Hai que tener mieu a la ignorancia».
«La llibertá, la educación y la cultura
son fundamentales para la vida de la xente.
Ye lo que queda. L’arte ye lo que permanez.»
María Luisa Parés Bartolomé (Madrid, 3 d’abril de 1946-Madrid, 17 d’avientu de 2024), conocida como Marisa Paredes, foi una actriz española con una destacada trayectoria teatral y cinematográfica, desenvuelta tamién en países como Francia, México ya Italia. Considerada una de les actrices más importantes de la so xeneración, actuó en más de 75 películes, en más de 80 ficciones de televisión y en 15 obres de teatru, colos directores más importantes del cine européu.
Pol so trabayu ganó numberosos premios: el Premiu Nacional de Cinematografía, la Medaya d’Oru al Méritu nes Belles Artes, la Gran Medaya Vermeil de la Villa de París, el Fotograma de Plata en seis causes, el Premiu d’Honor nel Festival de Cine d’Astorga y el Premiu Goya d’Honor, ente munchos otros.
