‘El pesu de la nieve’, de Pablo Rodríguez Medina, ganadora
del ‘Premiu de Novela Curtia Andrés Solar Santurio’
- EuropaPress / El Comercio / LNE /
El xuráu del premiu, que convoca la Conceyalía de Cultura del Conceyu de Xixón con una dotación de 3.000 euros, escoyó la novela de Rodríguez Medina d’ente los seis presentaes. «El pesu de la nieve», de Pablo Rodríguez Medina, ganadora del «Premiu de Novela Curtia Andrés Solar Santurio»
El xuráu del premiu, que convoca la Conceyalía de Cultura del Conceyu de Xixón con una dotación de 3.000 euros, escoyó la novela de Rodríguez Medina d’ente les seis presentaes. D’ella destacaron que se trata d’una novela «mui construyida, con una riqueza lliteraria mui importante y un dominiu del llinguaxe escelente».
Al empar, rescámplase que ye una obra dura, que fala d’una hestoria de superación, de promeses cumplíes, onde apaecen tradiciones y costumes d’antaño y la crueldá como necesidá de supervivencia, con unos personaxes «perbién definios y trazáos».
El xuráu tuvo formáu por Aitor Martínez Valdajos, director de la Fundación Municipal de Cultura de Xixón (FMC); Lourdes Álvarez García, filóloga de la Dirección Xeneral d’Acción Cultural y Normalización Llingüística y escritora; Eloy Antuña Zamarro, responsable del Centru de Referencia de la Cultura y la Llingua Asturiana; Marta Mori, académica de la Llingua Asturiana; María Xosé Rodríguez López, responsable de la Oficina de Normalización Llingüística de Xixón, qu’actuó amás de Secretaria.
