El Gobiernu d’Asturies reconoz a cinco entidaes y persones
nuna edición nueva de los premios Jugamos por la Igualdad. No al Machismo
El Club Siero Deportivo Balonmano, Paola Lorena Suárez, Real Grupo de Cultura Covadonga, Club Balonmano La Calzada y el proyectu Encumbradas van recibir esti reconocimientu pol so compromisu cola igualdá nel deporte.
- Fonte: Actualidad Asturies /
- ? La Conseyería de Cultura, Política Llingüística y Deporte dio a conocer a les entidaes y persones ganadores nesta edición 2024 de los premios, que destacaron pol so compromisu por fomentar la igualdá nel terrenu deportivu.?Estos gallardones, que se van entregar nuna gala l’añu próximu, refuercen l’apuesta del Principáu por visibilizar y potenciar el papel de la muyer nel deporte al traviés d’iniciatives qu’aumenten la visibilidá, la conciliación y el crecimientu del deporte practicáu por muyeres n’Asturies.
La Conseyería de Cultura, Política Llingüística y Deporte dio a conocer a les entidaes y persones ganadores de los Premios Jugamos por la Igualdad. No al Machismo, que nesta edición 2024 destacaron pol so compromisu por fomentar la igualdá nel terrenu deportivu. Estos gallardones, que se van entregar nuna gala l’añu próximu, refuercen l’apuesta del Principáu por visibilizar y potenciar el papel de la muyer nel deporte al traviés d’iniciatives qu’aumenten la visibilidá, la conciliación y el crecimientu del deporte practicáu por muyeres n’Asturies.
Les candidatures presentaes fueron analizaes pol Conseyu Asesor de l’Actividá Física y el Deporte, l’órganu dependiente de la citada conseyería encargáu de seleccionar a les persones y entidaes que reciben esta distinción. Estos son los gallardoniaos d’esti 2024:
- Premiu al Deporte Base: Club Siero Deportivo Balonmano
El Siero Deportivo Balonmano, un club esclusivamente femenín fundáu en 1985, foi gallardoniáu pol llabor nel crecimientu del deporte base ente neñes menores de 16 años. Con más de 180 xugadores nes files, el club fomenta la formación integral a nivel personal y deportivu, llogrando éxitos significativos en campeonatos rexonales y nacionales. El so proyectu inclúi iniciatives como talleres de psicoloxía deportiva, formación específica y participación en competiciones inclusives. - Premiu a la Trayectoria: Paola Lorena Suárez
La entrenadora del Club Pro Tenis Oviedo, Paola Lorena Suárez, foi reconocida pola so trayectoria sobresaliente nel tenis profesional y el so llabor formativu actual n’Asturies. Considerada una de les meyores tenistes en dobles de la historia, Suárez inspiró a xeneraciones colos sos llogros internacionales y agora combina la so esperiencia con un enfoque innovador nel enseñu del deporte dende’l Principáu. - Premiu a la Conciliación: Real Grupo de Cultura Covadonga
El Real Grupo de Cultura Covadonga foi distinguíu pol so compromisu cola igualdá y la promoción de la práctica deportiva femenina. Ente los sos llogros destaquen la creación d’equipos femeninos en deportes practicaos tradicionalmente por homes, como’l balonmano y el baloncestu, y la implementación d’iniciatives inclusives qu’abarquen dende la formación continua hasta la meyora d’infraestructures deportives. - Premiu a la Estratexa pola Igualdá: Club Balonmano La Calzada
El Club Balonmano La Calzada recibió’l premiu poles sos acciones en favor de la igualdá de medios y oportunidaes nel deporte practicáu por muyeres. Con una trayectoria marcada por fitos como la participación na élite del balonmano español, el club consolidóse como un referente n’Asturies, impulsando proyectos como la Calzada Academy y apoyando a neñes y moces nel so desarrollu deportivu y personal. - Premiu a la Difusión: Proyectu Encumbradas del Patronatu Deportivu Municipal de Siero
El proyectu Encumbradas, promovíu pol Patronatu Deportivu Municipal de Siero, foi premiáu pol so destacáu llabor de visibilización del deporte practicáu por muyeres. Al traviés d’actividaes como la coronación de los techos más altos de los 78 conceyos asturianos, esta iniciativa llogró movilizar a cerca de mil muyeres, creando redes sociales y comunitaries, y fortaleciendo’l sentíu de pertenencia y superación colectiva.
