Vero Rubio: YouTube / VERKAMI /Spotify – Vero Rubio
- Instagram – verorrubio
- Ayúdala a financiar el so primer trabayu en solitariu: un discu y un llibru de música n’asturianu.
¿Qué es Vou? Vou ye un proyectu multidisciplinar nel que conflúin música, palabra ya imaxe. Cada pieza del proyectu, instrumental o vocal, tien un poema/lletra y un vídeu que lu acompaña, como trés caminos que te lleven al mesmu destín.
Nesti enllaz vas poder ver de qué falo. Vas Atopar cuatro senciellos que van tar incluyíos nel discu, amás de los resumes de dos conciertos y pequenes esplicaciones de les pieces:
¿Para qué ye esta campaña de crowdfunding? Este ye’l mio primer proyectu en solitariu, busco financiamientu para sacalo a la lluz cola meyor calidá posible. Yá ta grabáu y premezclado, queda l’últimu emburrión: masterización y copies.
La resultancia d’esti trabayu va salir como discu y como llibru: El discu: va incluyir 11 pieces y nel llibretu vais atopar un fotograma del vídeu xuntu col poema-lletra. Amás d’incluyir un enllaz para la visualización de los vídeos.
El llibru: nél cunto la hestoria del orixe de cada pieza, va dir acompañada d’un fotograma del so vídeu, el poema/lletra y la partitura de la melodía desenvuelta. Amás va incluyir un enllaz de descarga para la música y la visualización de los vídeos. La maquetación va correr al cargu de Editorial Trabe.
¿Quién hai detrás? Cantautora, multiinstrumentista (pianu, trompa, trompeta, bodhran), compositora y arreglista. Con formación clásica y esperiencia en distintos estilos, jazz, folk y tradicional, improvisación llibre, rock…
Ganadora del Premiu Camaretá al Meyor Cantar col cantar Dixo miou padre, una de les 11 pieces que formen parte d’esti proyectu, Vou. Esti proyectu vien de les mios paranoyes, de les mios elucubraciones y de la mio necesidá d’entender, esplicar y poner una banda sonora a cada pasu que doi na vida.
Tola música ye orixinal, sacantes la melodía de Vou cantar que vien d’una pieza tradicional gallega. Toes la lletres son orixinales, sacantes la de el día que vien d’un poema de Miguel Monteavaro. Los arreglos, los vídeos… tou ye orixinal, tou ye frutu del mio trabayu.
Nel discu encargo de la voz principal salvu en Nuna mañana (Anabel Santiago) y de dellos coros; toco’l pianu, distintos teclaos, l’armonio, la trompa, la trompeta, el fliscorno y el bodhran. Amás d’encargame la producción y una primer fase del amiestu. Hai enforma acorico detrás, enforma pensamientu, enforma curiáu en tolos detalles… enforma aprendizaxe… y entá más hores. Pero nun toi sola…
La Banda. Collaboradores nel proyectu:
- Sección de cuerda: Cristina Gestido (viola/violín), Juanjo Marqués (violín), Paula Menéndez (violonchelu); Miguel García (violín en Dixo miou padre), Mónica Jivanescu (viola en Dixo *miou padre), Javier San Marcos (violonchelu en Dixo miou padre).
- Nos vientos: Pepín de Muñalén (traverso).
- Nes voces: Anabel Santiago (voz principal en Nuna mañana), Puri Penín (coros), l’agrupación vocal femenina Siset (coros en Por casualidá).
- Na percusión: Javier Bergia (tabla india en Mundu).
- A los mandos técnicos: Andy da Silva
- Grabaciones realizaes en La cámara discos, ente otros llugares; en concretu los pianos grabarense nel estudiu de grabación de Cesar La Torre, cola so colín Kawai.
- Na sección de imaxe: Arturo Santiago Pérez
- Autor del poema del cantar el día y corrección llingüística: Miguel R. Monteavaro
- Y hai más xente detrás…
Llista de pieces:
(Déxovos esta llista por que podáis escoyer la pieza de la que queráis la partitura completa o manuscrita, amás vais poder escuchar un fragmentu de toes elles nel resume del conciertu que tenéis enriba.)
El proyectu axunta 11 pieces que son significatives pa mi:
Arturo, *Bichín, *Dixo *miou padre, *Nuna mañana, el día, *Vou caminando, Por *casualidá, *Vou cantar, *Mundu, Qué *faréi y *CaBeleño.
En conciertu:
Al directu, esti proyectu puede llevase de cuatro maneres:
Yo sola cola mio música (esti formatu ye xuna ufierta especial pal *crowdfunding). Interpretando la mio música acompañándome del pianu, la trompa y la trompeta.
Yo sola cola mio música y los vídeos. Amás de la música, van reproducise los vídeos qu’acompañen a #cada pieza.
A Cuartetu. Sumando a lo yá mentao, sobro l’escenariu tendríamos otros trés músicos: voz/*armonio, violonchelu y *traverso.
Cola Banda Completa: Xuniríensenos un violín y xuna viola pa completar el tríu de cuerda.
