Somos tolos olímpicos asturianos que, a lo llargo del tiempu, representemos a España y por tantu a Asturies, en dalgunos de los Xuegos Olímpicos, de branu o iviernu, celebraos hasta’l momentu, dende aquellos primeros Xuegos de Paris-1900 hasta los más recién de Paris-2024.
La familia olímpica ta constituyida por tolos que participaron d’una o otra forma n’unos Xuegos Olímpicos, sol amparu y tutela del Comité Olímpicu Internacional COI y pol so representante n’España’l Comité Olímpicu Español COE.
Somos los deportistes, los entrenadores, los xueces y árbitros, los oficiales técnicos, los médicos, los fisioterapeutes, los psicólogos, aquellos ocupaos nos apartaos técnicos de cada deporte, que n’Asturies yá superen los 170 olímpicos, somos los homes y muyeres que competimos con dignidá y honestidá colos meyores del mundu, faciendo del deporte uno forma de vida, non siempres real sinón compartida con otros oficios, siempres arguyosos del nuesu camín y entá más de ser un bon exemplu para les más nueves xeneraciones.
