Talleres hasta’l 16 de marzu de 2025 nel Xardín Botánicu

• PRECIOS: • Talleres pa persones adultes: 10 € / • Talleres familiares: 6 € (5,10 € pa los/les menores que seyan socios/es Club Miruéndanos). • Visites guiaes Les aves del Botánicu: de baldre col preciu de la entrada al Botánicu. Talleres hasta’l  16 de marzu de 2025 De 10:00 a 23:59

Pero mientres la Naturaleza reposa y el tiempu paez que se ralentiza, nel Xardín aprovechamos pa facer aquellos labores mas delicaos y que pueden interferir coles visites, y trabayar nes condiciones de calma, accesibilidá y seguridá afayadices. Por eso esti añu decidimos que l’apertura al públicu demientres el mes de xineru seya de vienres a domingu y afrontar el restu del añu con horarios ampliaos.

• Y si esto fuera poco, tolos fines de selmana hai actividaes, dalgunes más de manualidaes, otres mas artístiques, y otres centraes na xardinería como’l taller de poda. En resume, un iviernu pa tolos públicos.
• SÁBADU, 11 DE XINERU de 11 a 14 h. | PERSONES ADULTES Arte y discapacidá: Visión colectiva. Taller dirixíu a persones adultes con discapacidá. Nesti taller vamos esplorar la fotografía instantánea dende una perspectiva artística y esperimental. Les y los participantes van facer retratos con una cámara Polaroid y, a partir de les sos propies fotos, van crear pieces úniques al traviés de la intervención manual. Vamos usar distintes técniques como’l dibuxu, la pintura y l’adición d’elementos naturales sobre les imáxenes, permitiendo que cada participante personalice’l so retratu y creando una pieza conxunta al traviés del collage. Pónlu: Colectivo Berde y Alex Loredo.
• DOMINGU, 12 DE XINERU de 10.30 a 12.30 h. | XENERAL Les aves del Botánicu. Los segundos domingos de cada mes vas poder disfrutar d’una visita mui especial pa conocer y deprender a identificar les más de 90 especies d’aves que viven y añeren nesti espaciu. Actividá incluyida cola entrada al Botánicu. Inscripción previa en 985 185 130. Guía: Colectivu Ornitolóxicu “Carbayera del Tragamón”.
• SÁBADU, 18 DE XINERU de 12 a 14 h. | PERSONES ADULTES Tinta, brotu y color. Averamientu al usu de la tinta al traviés de distintos procesos dando importancia a la mancha como elementu evocador d’atmósferes. Les persones yá avezaes van poder ellaborar obres más complexes probando papeles y trabayando’l tema de la viesca y los sos árboles. Ye recomendable acudir al taller con bata o ropa negro. Pónenlu: Verónica G. Ardura y Cristina Moneo.
• DOMINGU, 19 DE XINERU de 12 a 14 h. | FAMILIAR (> 6 años) Tinta, brotu y color. Averamientu al usu de la tinta al traviés de distintos procesos dando importancia a la mancha como elementu evocador d’atmósferes. Les persones yá avezaes van poder ellaborar obres más complexes probando papeles y trabayando’l tema de la viesca y los sos árboles. Ye recomendable acudir al taller con bata o ropa negro. Pónenlu: Verónica G. Ardura y Cristina Moneo.
• Axenda XINERU
• SÁBADU, 25 DE XINERU de 12 a 14 h. | PERSONES ADULTES Taller persones adultes: Vida en tu vida. Prometímosvos repetir esti taller en vista de la bayura de solicitúes de participación el pasáu mes d’ochobre y equí vuelve Charo Cimas col so taller de cerámica. Aprovechamos estos díes d’iviernu pa preparar tiestos nuevos pa les nuestres crases. Encántennos les suculentes y hai un montón de variedaes, conque nesti taller, vas poder facer un contenedorín con lloza y decoralu como más te preste. Vas poder usar calques cerámiques, chamota (piedruques pequeñes), imprimir detalles como  fueyes o testures de madera, sellos… Depués de más o menos un par de selmanes, vas poder recoyer les tos obras yá cocíes, nel mesmu Xardín
  Botánicu. Y disfrutar d’estes plantes tan prestoses nel so tiestu nuevu. Pónlu: @charo_cimas
• DOMINGU, 26 DE XINERU de 12 h a 14 h. | FAMILIAR (> 6 años) Taller familiar de cerámica: Vida na to vida. Aprovechamos estos díes d’iviernu pa preparar tiestos nuevos pa les nuestres crases. Encántennos les suculentes y hai un montón de variedaes, conque nesti taller, vas poder facer un contenedorín con lloza y decoralu como más te preste. Vas poder usar calques cerámiques, chamota (piedruques pequeñes), imprimir detalles como fueyes o testures de madera, sellos… Depués de más o menos un par de selmanes, vas poder recoyer les tos obras yá cocíes, nel mesmu Xardín Botánicu. Y disfrutar d’estes plantes tan prestoses nel so tiestu nuevu. Pónlu: @charo_cimas
• XUEVES, 30 DE XINERU a les 19 h. | ANTIGUA ESCUELA DE COMERCIU De charra col Botánicu: Botániques, les cientíques semen ciencia. La participación de les muyeres na prestosísima ciencia botánica ye un fechu tradicionalmente infravaloráu. Les aportaciones de muyeres como Maria Sibylla Merian, Alice Eastwood o Emma Lucy Braun, ente munches otres, con estudios qu’impulsaron y arriquecieron les bases de la botánica profesional, van ser les protagonistes d’esta charra, na que vamos demostrar que «la ciencia sí ye cosa de muyeres », y que pali pali va saliendo a la lluz un númberu ablucante de científiques con un trabayu mui bultable qu’evidencia’l sesgu androcéntricu claru presente nel discursu científicu y biolóxicu.
  Entrada llibre hasta completar aforu.Ponente: Carolina Martínez Pulido, ye doctora en Bioloxía y foi profesora titular de la Universidá de La Laguna, especializándose en bioteunología forestal. Tien bien d’estudios y llibros sobre muyeres y ciencies. Gallardonáronla col Premiu al Meyor Trabayu d’Investigación del Institutu Canariu de la Muyer nel 2000, col Premiu Nacional Carmen de Burgos otorgáu pola Universidá de Málaga, y col Premiu del Institutu Universitariu d’Estudios de les Muyeres en 2018. Forma parte de la Asociación de Muyeres investigadores y teunólogues (AMIT), y collabora col blog Mujeres con Ciencia de la UPV.
• SÁBADU, 1 DE FEBRERU de 12 a 14 h. | PERSONES ADULTES Arte oral. Güei vamos prauticar el manexu básicu de la composición eliminando l’elemento principal, que son les flores. D’esta forma van manexase conceutos como l’equilibriu, la testura, el brillu, etcétera, ensin la distorsión del color que normalmente apurre la flor. De camín al aula vamos paranos na observación de los árboles y matos pa rellacionar les formas naturales colo que vamos crear nes nuestres composiciones. Pónlu: Sergio Santurio.
• DOMINGU, 2 DE FEBRERU de 12 a 14 h. | FAMILIAR (> 8 años) Arte oral. Güei vamos prauticar el manexu básicu de la composición eliminando l’elemento principal, que son les flores. D’esta forma van manexase conceutos como l’equilibriu, la testura, el brillu, etcétera, ensin la distorsión del color que normalmente apurre la flor. De camín al aula vamos paranos na observación de los árboles y matos pa rellacionar les formas naturales colo que vamos crear nes nuestres composiciones. Pónlu: Sergio Santurio.
• SÁBADU, 8 DE FEBRERU de 11 a 14 h. | PERSONES ADULTES Arte y discapacidá: 7,83 Hz. Taller dirixíu a persones adultes con discapacidá. El nuestru vocabulariu ta estráu d’acciones inspiraes nel mundu animal y vexetal (enraigonar, añerar, rumiar, bufar, tronar, camuflar…). Esti taller axunta la pallabra, la música, otros soníos de la naturaleza y les artes plástiques, toos ellos recursos espresivos que van permitinos trazar la cartografía d’una salú mental en sintonía colo natural. #musicoterapia #artesespresives #ecollinguaxe Pónlu: Colectivo BERDE con Pablo Charcos y Ángela Nachón Talens.
• DOMINGU, 9 DE FEBRERU de 10.30 a 12.30 h. Les aves del Botánicu. Los segundos domingos de cada mes vas poder disfrutar d’una visita mui especial pa conocer y deprender a identificar les más de 90 especies d’aves que viven y añeren nesti espaciu. Actividá incluyida cola entrada al Botánicu. Inscripción previa nel T. 985 185 130. Guía: Colectivu Ornitolóxicu “Carbayera del Tragamón”.
• Axenda FEBRERU
• SÁBADU, 15 FEBRERU de 12 a 14 h. | PERSONES ADULTES  Cosmética vegana. Nesti taller vamos averanos al mundu de la cosmética natural, basada n’ingredientes de orixe vexetal, mineral y química verde, y ensin xeneración de residuos tóxicos. Depués d’unes nociones téuniques breves nes que vamos descubrir les propiedaes d’estos ingredientes naturales, cada participante va ellaborar los sos propios productos que va llevar pa casa al rematar el cursu. Van facese tres práutiques: champú sólido, bálsamu y desodorante corporal. Pónlu: Luis Sánchez, de oleumjabones.
• SÁBADU, 22 DE FEBRERU de 12 a 14 h. | PERSONES ADULTES Poda de frutales. Pa consiguir que los nuestros frutales crezan sanos y dean bonos frutos ye necesaria una bona téunica de poda. Nesta charra-taller vamos conocer los principios básicos de la poda, van esplicanos como afeuta la poda a los árboles y los cuidaos fitosanitarios antes y depués. Tamién vamos intentar desterrar mitos sobre la poda, les ferramientes que necesitamos y como facer una poda de formacióny de fructificación. Pónlu: Luis M. Zahonero (Biólogu y propietariu de viveros La Resqueta).
• DOMINGU, 23 DE FEBRERU de 12 a 14 h. | FAMILIAR (> 4 años) Del jardín al botiquín. L’usu curativu de les plantes ye tan antiguu como la humanidá. Vamos conocer dalgunes d’estes plantes medicinales, les sos propiedaes y los productos que podemos preparar con elles. Vamos entamar dando un paséu pel xardín pa identificales y descubrir el so golor y la so testura. Darréu vamos trabayar nel nuestru “llaboratoriu”, preparando dalgunos remedios cenciellos al algame de les families: sales de bañu, alcohol de romeru, infusiones curatives o saquinos relaxantes. Pónlu: Jarana05.
• Axenda FEBRERU
• MIÉRCOLES, 26 DE FEBRERU a les 19 h. ANTIGUA ESCUELA DE COMERCIU De charra col Botánicu: LUR Garden, remate d’una trayeutoria. profesional del paisaxista Iñigo Segurola Nesti alcuentru, Íñigo Segurola va falanos de la so trayeutoria  rofesional nel mundu del paisaxismu. Partiendo de les referencies artístiques y étiques que moldearon el so pensamientu, va facer un percorríu curtiu per dalgunos de los sos principales proyeutos paisaxísticos pa terminar esplicando en detalle los pormenores de LUR Garden, un xardín de xardinos allugáu n’Oiartzun (Gipuzkoa), onde Íñigo pasó 10 años de la so vida creado coles sos manes y afondando na so rellación coles distintes estétiques xardineres adaptaes al clima atlánticu. Entrada llibre hasta completar aforu. Ponente: Iñigo Segurola Arregui, ye inxenieru téunicu agrícola (Pamplona) y arquiteutu paisaxista (Edimburgu). Conocíu como xardineru del míticu programa televisivu Bricomanía, Ínigo crea xunto al so sociu Juan Iriarte, l’estudiu LUR Paisajistak. Na so trayeutoria profesional diseñó bien de parque públicos en Donostia y munchos xardinos privaos na vertiente atlántica d’Euskal Herria. En 2012 entama la construcción de LUR Garden, un xardín temáticu impresionante qu’abre al públicu nel añu 2020. Más info: Lur Garden @inigo_segurola_arregui @lurgarden
• Axenda FEBRERU
• SÁBADU, 1 DE MARZU de 11 a 14 h. | PERSONES ADULTES Impresión botánica. Vamos descubrir cómo fueyes y flores pueden dexar buelga nos texíos. Vamos identificar nel Xardín el material vexetal col que vamos trabayar, pa recolectalo siempre de manera responsable. Vamos deprender a facer el nuestru propiu herbariu y otres téuniques de conservación pa disponer de fueyes y flores mientres tol añu coles que vamos estampar les prendes (camisetes, pañuelos…) que vamos poder vistir. El públicu participante va facer una bolsa d’algodón estampada con fueyes del botánicu. Nun ye necesaria esperiencia previa.
  Pónlu: Alba Rueda @provatosheep
• DOMINGU, 2 DE MARZU de 11 a 14 h. | FAMILIAR (> 6 años) Impresión botánica. Vamos descubrir cómo fueyes y flores pueden dexar buelga nostexíos. Vamos identificar nel Xardín el material vexetal col que vamos trabayar, pa recolectalo siempre de manera responsable. Vamos deprender a facer el nuestru propiu herbariu y otres téuniques de conservación pa disponer de fueyes y flores mientres tol añu coles que vamos estampar les prendes (camisetes, pañuelos…) que vamos poder vistir. El públicu participante va facer una bolsa d’algodón estampada con fueyes del botánicu y el públicu infantil, amás, va llevar pa casa’l so propiu herbariu ellaboráu cola téunica d’impresión “hapa zome”. Nun ye necesaria esperiencia previa.
  Pónlu: Alba Rueda @provatosheep
• SÁBADU, 8 DE MARZU de 11 a 14 h. | PERSONES ADULTES Arte y discapacidad: Hilos, raíces y emociones. Pa conmemorar el día Internacional de la muyer, esti taller ta dirixíu a muyeres de cualesquier edá con discapacidá. Propuesta de xuegu y creación a partir de materiales orgánicos como filos de llana, llenzos de llinu natural y bastidores de madera. Va plantegase a les participantes un repasu peles emociones básiques y van amosase exemplos de comunidaes de muyeres nes que’l filu y el bordáu fueron de forma tradicional un recursu espresivu emocional col que contar histories ensin pallabres. Va proponese una intervención de fotografíes
  con filu y un diálogu sobre les emociones evocaes, promoviendo asina l’autoconocimientu al traviés del procesu creativu. Un espaciu onde deprender, crear, compartir y coneutar colos raigaños.
  Pónlu: Colectivo BERDE cola psicóloga Covadonga Cadrecha.
• Axenda MARZU
• DOMINGU, 9 DE MARZU de 10:30 a 12:30 h. | XENERAL Les aves del Botánicu. Los segundos domingos de cada mes vas poder disfrutar d’una visita mui especial pa conocer y deprender a identificar les más de 90 especies d’aves que viven y añeren nesti espaciu. Actividá incluyida cola entrada al Botánicu. Inscripción previa nel 985 185 130. Guía: Colectivu Ornitolóxicu “Carbayera del Tragamón”.
• SÁBADU, 15 DE MARZU de 11 a 14 h. | PERSONES ADULTES Ye tiempu de… brotos y xerminaos
  El calendariu diz que tovía tamos n’iviernu, pero pa la Naturaleza la primavera yá aportó. Los brotos son los crecimientos nuevos de les plantes, y per onde miremos vamos ver tallos nuevos, fueyes y yemes que xurden de les plantes. Además d’esquisitos, son ricos en nutrientes, fáciles de dixerir y baxos en caloríes. Amás pueden  consumis en’ensalaes, sándwiches, batíos y más.
  El nuestru menú gastronómicu compónse de: • Ente pan de xerminaos.• Brotos verdes en tempura cola so salsa romescu.• Esponxosu de llima y maracuyá con remolacha. Al acabar el taller vamos probar tolo que cocinamos.
  Pónlu: Escuela de cocina Kokomo @kokomococina
• DOMINGU, 16 DE MARZU de 11.30 a 14 h. | FAMILIAR (> 6 años) Cocina cola güerta de temporada. Llega l’iviernu y el campu asturianu dionos los sos frutos. Vamos cocinar un menú basáu en vexetales cultivaos pola propia Pilar que va incluyir una ensalada de coliflor y un bombón de carne a la xardinera. Va mos acompañar el nuestru menú de temporada con un postre sorpresa deliciosu. Lo cocinao vamos llevalo pa casa.
  Importante: • Trayer envases pequeños pa llevar el menú. • Nun se necesita trayer envase pal postre. • El menú contién lleche y gluten. Rogamos que comuniquéis enantes al Botánicu alerxes o intolerancies.
  Pónlu: Pilar Vega, de Desfaciendo Maíz.
  Axenda MARZU
  Aforu limitáu en toles actividaes.
  Actividaes familiares: máximu 2 persones adultes por cada menor.
  Más información nel 985 185 130.