- El Gobiernu d’Asturies llogra que la Universidá Llaboral de #Xixón entre na Llista Indicativa del Ministeriu de Cultura, un pasu clave pa la so declaración como Patrimoniu Mundial
- Esti avance foi posible gracies a la defensa realizada pol Principáu na xunta del Conseyu de Patrimoniu Históricu Español celebrada güei en Murcia na que participó’l director xeneral Pablo León.
La Universidá Llaboral de Xixón ye l’edificiu civil más grande construyíu n’España nel sieglu XX. Construyíu ente 1948 y 1957, funcionó como escuela taller de formación profesional hasta 1979. Nes sos aules auniéronse numberoses disciplines y técniques artístiques como l’arquitectura, la pintura mural, el mosaicu, la vidrera o la xardinería.
Cola llegada de la democracia, l’edificiu siguió’l so usu educativu y nes dos primeres décades del sieglu XXI, la recuperación del complexu pa nuevos usos, como contenedor cultural y educativu y como nodo d’un área d’industries tecnolóxiques, supunxo un importante exemplu de puesta en valor, resignificación y recuperación d’esti patrimoniu arquitectónicu.
