Empezamos el martes cola axenda cultural del primer trimestre del añu recién salida del fornu por que nun perdáis nenguna de les cites destacaes para esti entamu del añu. Nun va faltar de nada nun trimestre con música, rises, artes escéniques, alderiques, cine, esposiciones, actividaes infantiles, lliteratura… De too y para tolos gustos ya intereses. Y por si fora poco, arregláu poles ilustraciones de Patricia Pascual que falen de nós y nós, del nuesu territoriu, de lo que fuimos y lo que somos, cola Estatua de Teodoro Cuesta na portada coincidiendo col 130 aniversariu del so fallecimientu. Animámosvos a consultar l’axenda y a esfrutar de tola programación que nos espera estos meses en Mieres.
