La Compañía del Alba recibió nel 2024 el Premiu Nel Amaro de Teatru Profesional en llingua asturiana y eonaviegu cola obra Perendi.
La compañía del Alba ye’l proyeutu teatral del actor, narrador y creador escénicu Carlos Alba. Na estaya de les artes escéniques, recibió’l premiu FETEN a la meyor adaptación del testu por Juan Soldado nel 2015, y ganó’l Premiu Nel Amaro del teatru profesional n’asturianu en dos ocasiones anteriores, con Llázaro de Tormes nel 2017 y con Les madreñes vacíes nel 2022. Nel ámbitu de la narración oral, llevó’l primer premiu nel certame «Tierras del Torío», nel 2013, con Mitoloxíes, cuentos sobre la mitoloxía asturiana. Tamién ganó, como escritor, dellos premios nel ámbitu del monologuismu.
Dirixó y interpretó’l programa de la TPA pa públicu infantil y familiar Animalada Xabaz, basáu na cultura popular asturiana.
