Árticu vs Antártida: ¿en qué se paecen y en qué son distintos?

• Fonte: El Universal /

Anque dambos tienen paisaxes xelaos, estos dos destinos son únicos y merecen un viaxe a bordu d’un cruceru.

Foto: Ian Parker. Unsplash

Si pienses en dos destinos que sían “polos opuestos” pa vacacionar, ensin dulda, considera l’Árticu y l’Antártida. Anque son asemeyaos colos sos paisaxes xelaos, cada unu ye únicu y merez un viaxe siquier una vegada na vida. He equí les sos principales diferencies, y la meyor manera de visitalos.

Ye claro que los dixebra un mundu de distancia (alredor de 20 mil kilómetros, del centru del Polu Norte al centru del Polu Sur, siguiendo la combadura de la Tierra). Sicasí, ¿cuálos son les principales característiques que los estremen? Equí te vamos dicir.

Semeyances del Árticu y l’Antártida. Estos dos destinos paécense, si consideres les baxes temperatures y que son de mal accesu. Ello ye que en dambos casos, la meyor manera de visitalos de manera sostenible ye en cruceru. Son árees bien fráxiles que tienen de protexese por ser vitales para l’equilibriu ambiental del nuesu planeta.

Foto: Dylan Shaw. Unsplash

 

• Países circundantes al Árticu: Canadá, Estaos Xuníos y Groenlandia, n’América; Finlandia, Islandia, Noruega, Rusia y Suecia, n’Europa. Non solo tan alredor;  partes d’estos países atópense nel Árticu.
• Países circundantes a l’Antártida: Chile y Arxentina, n’América; Suráfrica, n’África; y Australia y Nueva Zelanda, n’Oceanía. Los más cercanos a les sos mariñes son Chile y Arxentina. Por ello, los cruceros de normal salen de Chile.

Continente vs océanu: L’ Antártida ye un continente cubiertu de xelu; l’Árticu ye más como un océanu xeláu, cubiertu por capes de xelu flotante.

• Ente 10% y 20% de l’agua duce del planeta ta nel Árticu.
• 60% de l’agua duce total ta n’Antártida.
• 14.2 millones de km2 tien la superficie del llamáu continente blancu.
• El llugar más fríu: El 98% de la superficie de l’Antártida ta cubierta por xelu. Equí ye onde se rexistren les temperatures más baxes del planeta, llegando a los -80 °C pel hibiernu en delles zones.
• Nel Árticu, la temperatura más baxo rexistrada ye -69.6 °C.
• El récord de -89.2 °C La temperatura más baxo enxamás rexistrada a nivel mundial pertenez a Antártida. Foi en xunetu de 1983, acordies con la World Meteorological Organization.

Fauna marina y terrestre. En resume: nel Árticu, hai osos polares; n’Antártida, pingüinos.

• En dambos, la variedá d’especies ye amenorgada poles sos baxes temperatures.
• Nos mares d’estos dos polos vense orques, ballenes azules y gorrumbes, y distintes especies de foques.
• Tocantes a animales terrestres, nel Árticu, amás de los osos polares, habiten foinos árticos y gües almizcleros;
• Antártida ye ocupada por seis especies de pingüinos (como’l adélie, barmijo y emperador), lleopardos y elefantes marinos.

Semeya: Annie Spratt. Unsplash

Presencia humana.

• Nes zones circumpolares del Árticu, hai comunidaes indíxenes en distintos países. Por casu, los saami al norte de Finlandia, Suecia, Noruega y el nordés de Rusia; los nenets, khanty, evenk y chukchi al norte de Rusia; aleut, yupik y inuit n’Alaska, Canadá y Groenlandia. Y, ello ye que xusto na llende del círculu polar árticu, hai xunas cuantes comunidaes nestos países, caúna con menos de seis mil habitantes.
• N’Antártida, nun hai ciudaes nin pueblos en tol continente. Tampoco hai poblaciones indíxenes. Los únicos humanos ende son los qu’habiten temporalmente les bases militares y científiques establecíes (esto debe a que les condiciones climátiques son más adverses).

¿Cuándo dir?

• Al Árticu, tienes de dir ente xunu y xunetu, con temperatures ente 3 °C y 7 °C; cuando’l sol ta enriba les 24 hores.
• L’Antártida solo puede visitase de finales d’ochobre a marzu, con temperatures que van de los -2 °C a los 6 °C; que ye cuando’l sol tamién ta enriba, casi les 24 hores del día.