- Alborecemos col cielu nuboso, sobre too na fastera ocidental con unes temperatures que tan alrodiu de los 8ºC, rexistrándose nel puirtu Payares -1,7ºC.
- Güei vamos tener intervalos nubosos cola posibilidá de xarabatos intermitentes, sobre too na fastera ocidental, siendo menos probables na oriental con una cota de nieve qu’oscilará ente los 900-1200m ya col aire gallegu que va seguir soplando con muncha fuerza, sobre too en puntos del llitoral y zones altes.
- Mañana miércoles la llegada d’una nueva borrasca per Cantábricu va dexanos precipitaciones abondoses, fuertes raches de vientu y un descensu de les temperatures con nevaes copioses pela cordelera pero esto nun sedrá hasta l’escurecer cuando l’aire role a componente norte, una vegada que’l centru de la borrasca pase hacia’l Cantábricu oriental. Pela mañana tendremos nubes ya claros o abancios y el tiempu sedrá dalgo más seliquino.
- El xueves sedrá un día pasáu per agua con xarabatos frecuentes, sobre too pela mañana y en zones de montaña onde seguirá nevando perriba de los 1000m.
- El vienres meyorará y les precipitaciones van a tender a desaparecer y el sábadu y domingu ganará terrén el anticiclón dexándonos el cielu poco nuboso, sobre too’l domingu con xelaes nuecherniegues en zones favoretibles.
