«Lo importante nun ye la tecnoloxía.
Lo importante son les palabres.
El fechu de compartir les palabres.
L’activación de la imaxinación
por aciu la llectura de palabres…
Lleer ye una manera d’escuchar.
Lleer nun ye tan pasivu como oyer o ver.
Ye un actu: facémoslo.

Lleemos al nuesu propiu ritmu,
a nuesa mesma velocidá,
non acordies con la corriente incesante,
incoerente, confusa y chillona
de los medios de comunicación…

Cuando lleemos una hestoria,
tán cuntándonos daqué,
pero nun quieren vendenos nada.
Y anque polo xeneral lleemos en soledá,
entramos en comunión con otres mentes.
Nun nos llaven el celebru
nin nos recluten nin nos utilicen;
axuntamos nun actu de la imaxinación…

L’alfabetismu ye importante
porque la lliteratura
son les instrucciones d’usu.
Ye’l meyor manual que tenemos
La guía más útil del país
que visitamos: la vida».

Ursula K. Le Guin