Más de 600 persones fabriquen buques a la vanguardia tecnolóxica mundial
La imaxe que güei tenemos del cai d’As Figueiras nada tien que ver cola que víen los vecinos fai 100 años. D’equí salíen va un sieglu pequeñes embarcaciones de madera a vela, xoyes a midida que son mui distintes a les que se fabriquen anguaño.
Astilleros Gondán ta d’aniversariu. Una empresa familiar qu’emplega a más de 600 persones y que supo evolucionar, convirtiéndose en referente tecnolóxicu del sector naval.
Una embarcación de 24 metros d’eslora, qu’anguaño ta en graes a la espera de ser botada’l próximu 24 de febreru. Va encargase de facer operaciones de caltenimientu y inspección submarines en Noruega. Nun necesita tripulación y les sos bateríes dexaránla tar hasta un mes ensin volver al cai.
En primavera, l’astilleru va celebrar el so actu central d’aniversariu con autoridaes y un día de fiesta al que van tar invitaos trabayadores, ex-emplegaos y los vecinos d’As Figueiras.
