Los logotipos tienen la finalidá de tresmitir la identidá d’un llugar de manera visual, simbólica y representativa. Nel casu del Parque Natural de Redes, el logotipu reflexa 3 elementos clave d’esta redolada:
- Les llínees azules que remembren l’agua que flúi pel ríu Nalón y tolos regueros, fontes y llamargues que s’alluguen nesta redolada natural.
- Los picos marrones representen la orografía y el relieve que caracteriza esta redolada en gran parte montascosu, como’l Picu Tiatordos o’l Picu Retriñón.
- D’últimes y más complicáu de ver, la figura del robecu (Rupicapra pyrenaica parva), fundíu y centráu ente los picos y les línees azules. Ye l’indiscutible protagonista del Parque Natural, qu’habita dende les zones más serrapatoses de los montes hasta los frondosos montes de fayes.
Debe’l so nome al Monte de Redes, enclaváu nel corazón del parque. Pero’l Parque Natural de Redes estiéndese más allá d’ese monte. Concretamente, a lo llargo de 38.000 hectárees asitiaes nel sector de montaña sur-oriental, tomando al completu los términos municipales de Casu y Sobrescobiu. Parque Natural dende l’añu 1996, tien unos valores ecolóxicos y estéticos que merecen una atención especial, y pollo foi reconocíu como Acuta de la Biosfera en 2001 pola UNESO: un galardón d’inmensu prestíu que reconoz el fechu de conciliar el caltenimientu del patrimoniu natural y cultural col desenvolvimientu sostenible de la población.
