La uvieina Eva Otero, del club Arenas Sport Center, proclamóse esta tarde Campeona d’Europa Sub 21 de Kumite na categoría U21 -61, una modalidá de kárate por equipos, nel Européu que se celebra en Polonia. ¡Norabona, Eva! Yes tou un exemplu y un motivu d’arguyu para Uviéu.
La uvieina Eva Otero proclamóse ayeri campeona d’Europa na categoría sub-21, en menos de 61 quilos, na competición celebrada na localidá polaca de Bielsko-Bailla. Na final la deportista asturiana impúsose a la representante ucraniana.
Nun foi la d’Otero la única medaya asturiana en Polonia. Beatriz Palleiro llogró la presea de plata como componente del equipu nacional de katas, nuna final na que finalmente s’impunxo Francia. Pela so parte, Borja Gutiérrez fízolo col bronce en +84 quilos en venciendo al so competidor polacu.
Hubo otros dos asturianos na selección, Irene Fernández y Hugo Álvarez, que tornaron ensin medaya a pesar de la so bona actuación.
