El colexu Ruiz-Tilve curia 24 pites pintes n’una actividá formativa. Emilio Martínez, presidente de l’Asociación para la Recuperación de la Pita Pinta, con alumnos del centru. |
Nel colexu cpruiztilve tamos viviendo una esperiencia única gracies a la collaboración cola Asociación para la Recuperación de la Pita Pinta Asturiana. Nel nuesu centru, una incubadora con 24 güevos fecundaos ta dexando que los alumnos d’infantil y 2º de Primaria afayen el ciclu de vida de les aves de primera mano.
📺 La esperiencia foi tan especial qu’hasta la TPA visitó’l nuesu cole para conocer de cerca esti guapu proyectu y compartilo con toa Asturies. ¡Tamos bien arguyosos de qu’el nuesu trabayu cola biodiversidá tenga tanta repercusión!
🌱 Con esti proyectu, los neños pudieron:
✔️ Reparar el ciclu de la vida dende l’entamu.
✔️ Aprender sobro reproducción y desenvolvimientu animal.
✔️ Fomentar el respetu polos seres vivos.
✔️ Sensibilizase sobro la importancia de la biodiversidá.
Agora tócanos curiar de los pitinos y siguir aprendiendo con ellos. ¡Xuna esperiencia inolvidable! 🐥
El colexu Carmen Ruiz-Tilve desenvuelve un proyectu educativu en collaboración cola Asociación para la Recuperación de la Pita Pinta asturiana. Nel centru instalóse una incubadora con venticuatro güevos fecundaos, apurrida pol colectivu. Mientres estes últimes selmanes, aseguraron los profesores de segundu nivel de Primaria, «los estudiantes tán teniendo la oportunidá d’esperimentar en primer persona l’orixe del ciclu de vida».
Ye «un proyectu arriquecedor que dexa afayar y entender de forma vivencial y directa los procesos de reproducción, crecedera y desenvolvimientu de los animales», añeden.
L’oxetivu d’esta iniciativa ye, afirmen, «fomentar el respetu polos seres vivos, sensibilizar a los estudiantes sobro la importancia de la biodiversidá y promover una educación más cercana a la naturaleza».
