¡Tenemos páxina web! Echa-y una güeyada, que paga la pena. Gracies al nuesu Maximín que diseñola dende cero, programándola con códigu. Nun ta na mal pa un futuru informáticu de diez añinos
Xuxurien les fueyes
ena viesca: ya llega
la seronda, la seronda
ya ta equí.
Mécense les voces
del raposu, de la faya,
y de la neña, la seronda
ya ta equí.
Collores bermeyos
tonos ocres, van pintando,
les caleyes, la seronda
ya ta equí.
Arume a mazana,
a llibru nuevu, va glayando
un cuervu vieyu: la seronda
ya ta equí.
Xuxurien les fueyes
ena viesca: ya llega
la seronda, la seronda
ya ta equí.
Tema de composición propia que fala de la llegada de la seronda y de la maxa que con ella trai.
Quéxase una castañal
al vientu que-y arrancaba
corteya, vida, alcordances,
ca vegada que soplaba.
Glayaba la castañal
porque l’airón nun cesaba,
glayaba con gran dolor,
pues la vida se-y marchaba.
¡Dexa de soplar, airón!
¡Que márxesme cola vida!
¡Dexa de faceme dañu!
¡Que ya toi mediu fendía!
Quéxase una castañal
al vientu que-y arrancaba
corteya, vida, alcordances,
mientres el tiempu pasaba.
‘L’airón y la castañal’ ye un cantar de producción propia, con lletra y música de Maxi Areñes, que mos fala de la necesidá de resistir ante les alversidaes de la vida. Un homenaxe a la fuercia vital.
