- Fonte: Actualidá Asturies / Noticia MUJA /
El Principáu destaca’l potencial del turismu astronómicu nel mediu rural nes xornaes ‘AstronoMUJA’. La Conseyería de Presidencia, Retu Demográficu, Igualdá y Turismu financia la iniciativa, realizada en collaboración con Ayande Stars pa conmemorar el Día de la Muyer y la Ciencia.
Asturies avanza nel so apueste pol turismu astronómicu cola celebración, esta fin de selmana, de les I Xornaes de Divulgación Científica AstronoMUJA, realizaes en collaboración con Ayande Stars y financiaes pola Conseyería de Presidencia, Retu Demográficu, Igualdá y Turismu.
La vicepresidenta del Principáu, Gimena Llamedo, va participar esta tarde na iniciativa, que supon xuna oportunidá para dinamizar les zones rurales y atraer visitantes comenenciudos na ciencia y la naturaleza a lo llargo de too l’añu.
L’eventu, qu’escosó les 150 places disponibles en poques hores, forma parte del programa entamáu pol Muséu Xurásicu d’Asturies (MUJA) para conmemorar el Día Internacional de la Muyer y la Neña na Ciencia. Mientres dos díes, el públicu va poder esquizar la relación ente l’astronomía y la paleontoloxía al traviés de talleres, charres y observaciones del cielu nocherniegu.
Les actividaes empiecen güei con una esperiencia única na que l’astrofísica y l’hestoria de la Tierra darán la mano. A partir de les 17:00 hores, les persones asistentes van poder afayar l’impactu de los meteoritos nel mundu de los dinosaurios de la mano d’espertes como Laura Piñuela, investigadora del MUJA, quien va esplicar les consecuencies del impactu de Yucatán nos ecosistemes de la dómina.
Tamién van participar la doctora Laura Hermoso y el doctor Xuan González, que van ufiertar una visión sobro los cuerpos menores del sistema solar y les misiones espaciales enfocaes na defensa planetaria.
A les 20:00 hores, nos esteriores del MUJA, l’equipu d’Ayande Stars va emponer un percorríu por constelaciones, planetes y galaxes. Laura Hermoso y Lucía González, Muyer Rural d’Asturies 2024, van compartir les hestories sobro’l cielu escrites por distintes sociedaes antigües que llegaron a los nuesos díes.
El turismu astronómicu ta en puxanza y Asturies, colos sos cielos escuros y escaso contaminación llumínica, asítiase como un enclave privilexáu pal so desenvolvimientu. Esta actividá non solo atrai a aficionaos a la observación del cosmos, sinón que supon xuna oportunidá pa impulsar la economía en zones rurales, fomentando un turismu sostenible y amestao a la ciencia.
El Gobiernu del Principáu refuerza’l so compromisu con esti modelu de turismu al traviés d’iniciatives como les Xornaes AstronoMUJA, que busquen combinar divulgación científica y esperiencies na naturaleza p’arriquecer la ufierta turística.
