Con enorme allegría, compartimos esta reconocencia otorgada pola Federación Coral Asturiana, que destaca la nuesa Antoloxía Coral Asturiana – Músiques del XXI para’l XXI» como una obra inspiradora y un referente para l’estudiu y trabayu coral del futuru.
Gracies de corazón a toos los compositores, escritores, musicóloga y artistes gráfiques que fixeron posible esti proyectu. El vuesu talentu y entrega crearon un legáu musical únicu, xuniendo tradición y vanguardia n’unu apueste interdisciplinar onde conviven la música, la palabra y l’arte.
Convidámosvos al actu d’entrega de premios, que va tener llugar el domingu 9 de marzu a les 12:30 h nel Auditoriu Teodoro Cuesta de Mieres. Va Ser una xornada bien especial que va cuntar cola actuación de la Coral Avilesina. ¡Esperámosvos para celebrar xuntos este gran reconocencia!
Esti premiu ye un impulsu para siguir arriqueciendo la música coral n’Asturies y más allá. ¡Sigamos cantando xuntos!
