- Fonte: El Fielato /
Según el xuráu, y como esplicaba la so candidatura, el so destacáu llabor nel ámbitu deportivu foi fundamental para la promoción de la muyer na sociedá, sobresaliendo nun deporte tradicionalmente masculín como’l fútbol, tantu na so faceta como xugadora, entrenadora y más apocayá, como seleccionadora nacional.
«Esta reconocencia ye un honor inmenso, una emoción difícil de describir»
El principal oxetivu de Montse Tomé al traviés de la so trayectoria ye consiguir tresmitir a les neñes que «los suaños nun tienen fronteres y cualquier neña de Siero, d’Asturies o de cualesquier otru llugar, puede llegar hasta onde se proponga si trabaya con pasión y esfotu». Nesti sentíu, sobro’l papel de les muyeres nun mundu consideráu principalmente d’homes como ye’l fútbol, aseguró que se tán consiguiendo munchos progresos. Fuimos rompiendo barreres, consiguiendo ésitos y, a partir d’ende, llogremos que munches persones, instituciones, xente que tien la capacidá pa poder sofitanos, cada vez lo faigan más». Anima a les neñes a «escorrer los sos suaños» nel actu d’entrega del añal galardón. Fonte: galería de LNE
La conceyala d’Educación, Igualdá y Mocedá, Eva Iglesias, anunció que’l Conseyu Asesor de la Muyer de Siero, falló’l Premiu Muyer Sierense del 2025, qu’anguaño recai en Montse Tomé, exfutbolista, entrenadora y seleccionadora de La Selección Española Absoluta Femenina de Fútbol.
La so candidatura fuera propuesta pol AMPA del C.P. Celestino Montoto, l’AMPA del C.P. Hermanos Arregui y l’AMPA del Peña Careses. El Premiu Muyer Sierense del añu ye un galardón que tien como finalidá sopelexar y reconocer la trayectoria personal, profesional y humana de les muyeres de Siero, estremando públicamente’l llabor desenvueltu en cualquier ámbitu, yá sía educativu, sanitariu, cultural, social, deportivu, empresarial, artísticu, etc. cola que contribuyó a la promoción de la muyer na sociedá. Na última edición, el galardón fuera para Cándida Vicente Templado, xefa de la Policía Científica de la Policía Nacional d’Asturies.
