- Alborecemos con nubes ya claros, tando más nuboso nel llitoral onde sopla’l nordés cafiantemente con unes temperatures que tan alrodiu de los 7ºC, rexistrándose nel puirtu Payares -0,2ºC.
- Güei vamos tener precipitaciones febles nel llitoral pela mañana, tando más escampláu nel interior onde aumentará la nubosidá de tarde ya tendremos nevaes febles pela cordelera al atapecer, mentantu remiten los xarabatos del llitoral. La cota de nieve rondará los 1300m y l’aire sedrá del nordés cafiante na costa y zones espuestes.
- Mañana sábadu lloverá dalgo na fastera más oriental d’Asturies pela mañana, siendo menos probable nel restu con unes temperatures en descensu moderáu, amás l’aire nordés va soplar cafiante baxando entovía más la sensación térmica. De tarde va tar más escampláu y veremos dalgo’l sol pero l’ambiente sedrá mui ivernal.
- El domingu vamos tener el cielu mui nuboso con precipitaciones ya xarabatos febles pela mañana que sedrán xeneralizaos y de nieve perriba de los 700m, tendiendo a remitir al atapecer con unes temperatures que siguen baxando con másimes perdebaxo de los 10ºC. L’aire nordés dirá amenorgando y rolando a componente norte.
El llunes seguirá’l cielu nuboso con dalguna precipitación feble y les temperatures tenderán a recuperase.
