Siguimos cola influencia de la umbada Jana sobro’l Principáu d’Asturies. El vientu va ser el gran protagonista porque non solo espérense raches fuertes de vientu nel cordal, sinón que tamién por momentos van dase n’otros munchos puntos de la rexón.
L’Axencia Estatal de Meteoroloxía va caltener activáu mientres tol día l’avisu mariellu nel cordal por raches d’hasta 90 km/h. Pero según dellos modelos de gran precisión preven la posibilidá de qu’en zones altes del cordal puedan llegase a algamar los 120 km/h. Ello ye que mientres les primeres hores de tarde tamién envaloren que nel interior central y tamién oriental podríen llegar a anotar los 80 km/h. Tamién na mariña podríen sufrir los fuertes vientos d’hasta 70 km/h.
