- Principado de Asturias / https://goo.su/56Ptz / Asturies cultura en rede /
- Programa xira didáctica asturiano
- Máis información y reservas: 985 185 860 / reservas@turismoycultura.asturias.es
- Descargar catálogo propostas/ Descargar catálogo propuestas / Descargar ficha reserva
Les inscripciones para los colexos van tar abiertes del 13 al 28 de marzu, con places llindaes para cada espectáculu. Los directores xenerales d’Acción Cultural y Normalización Llingüística, Antón García, y d’Inclusión Educativa y Ordenación, David Artime, presentaron güei la Xira Didáctica, una iniciativa destinada a ufiertar actividaes culturales n’asturianu y eonaviego al alumnáu de Primaria, Secundaria y Bachilleratu de dellos conceyos.
Nesta primer convocatoria, programáronse siete espectáculos creaos por artistes y compañíes del Principáu, qu’utilicen l’asturianu y l’eonaviego como llingües vehiculares.
Toles propuestes combinen un conteníu educativo específicu para cada rangu d’edá con una alta calidá artística, afaciéndose al so públicu oxetivu. Les artes escéniques y la música van ser les protagonistes nos próximos meses, y prevese incorporar una amplia variedá de disciplines artístiques en futures convocatories.
El Gobiernu d’Asturies recupera cola Xira Didáctica la esencia del proyectu Axenda Didáctica, que tuvo un gran siguimientu mientres los sos años d’implantación, con decenes d’actividaes de distintos sectores artísticos, bien esperaes pelos centros escolares.
El programa de la Xira Didáctica para abril, mayu y xunu inclúi les siguientes representaciones:
- La neña de les trences al revés de El Callejón del Gatu, el 24 d’abril / Casa Cultura de Cangues d’Onís
- Formigues de Elektra Fiktion / 14 de mayu / Teatru Municipal de S. Martín del Rei Aurelio.
- Kikirikikí. Canciones pa neñes y neños d’Alicia Álvarez / 15 de mayo / Teatru Riera de Villaviciosa.
- Les relaciones peligroses de Factoría Norte / 19 de mayu / Casa Cultura de Ribeseya.
- El Gorrumbu de Saltantes Teatro / 3 de xunu / Casa Cultura de La Pola Siero.
- Amanda y les castañes máxiques / 3 de xunu / Teatru Toreno de Cangas del Narcea.
- As galochas baleiras de Carlos Alba / 4 de xunu / Auditorio Félix Menéndez de A Veiga
- Les actividaes d’esti programa son gratuites para garantizar los derechos culturales nes llingües propies de la comunidá educativa.
- Los centros solo van tener qu’asumir los gastos de desplazamientu, en casu de ser necesariu.
- Les places son llindaes y puede consultase el procedimientu para realizar la inscripción, según los criterios para participar, en www.asturiesculturaenrede.com o en www.educastur.es.
- El plazu d’inscripción empieza’l 13 de marzu a les 09:30 hores y remata el 28 de marzu a les 14:30 hores.
- Esta Xira Didáctica enmárcase nes iniciatives del Principáu pa fomentar la enseñanza, l’usu y la promoción del asturianu y l’eonaviego nes aules.
Otres midíes qu’acrediten esti firme compromisu son la inclusión, a partir de setiembre, de la llingua asturiana nel segundu ciclu d’Infantil y nes Escueles Oficiales d’Idiomes; la so presencia nos premios estraordinarios; la so valoración como méritu computable nes oposiciones; y el futuru sellu d’excelencia Llume.
Se incluye el catálogo de la Xira Didáctica en asturiano y en eonaviego.
La Xira Didáctica ye un proyectu de dinamización cultural y educativa pensada pal alumnáu de llingua asturiana y lliteratura y d’eonaviegu. La Xira pon a disposición de los centros educativos asturianos una escoyeta d’actividaes culturales y educatives creaes pola industria cultural asturiana nes que les llingües vehiculares son l’asturianu o l’eonaviegu, pensaes pa unos rangos d’edá específicos. Estes actividaes preséntense en formatos artísticos variaos: arte dramáticu y música a lo primero, a los que se van dir incorporando, en convocatories vinientes, una variedá bien amplia de disciplines artístiques.
La Xira Didáctica preséntase nun catálogu zarráu de propuestes culturales programaes en feches y llugares específicos de toa Asturies cola mira de que tola comunidá educativa tenga accesu a ella.
La ufierta d’actividaes va facese pública al traviés de los medios institucionales habituales: Portal educativu Educastur y www.asturiesculturaenrede.es. Cada centru con alumnáu d’asturianu o d’eonaviegu va tener que valorar qué actividá o actividaes-y cuadren y facer la so solicitú col formulariu iguáu pa ello.
Dirixío a: prioritariamente a alumnáu d’asturianu y eonaviegu (gallego-asturianu) de Educación Primaria, ESO y Bachilletatu.
Procedimientu: enviu de ficha de solicitú de reserva a: reservasturismoycultura.asturias.es
Ficha de solicitud de reserva (docx)
Cada centru va asumir los costos que pueda ocasionar el desplazamientu hasta la sede de l’actividá.
Programa (pdf)
Información y reserves: 985 185 860 – 902 306 600 – reservasturismoycultura.asturias.es
