Asturies rexistra esta mañana una decena de quemes forestales en dolce conceyos. Los fueos na rexón, qu’ayeri pela nueche yeren una ventena, llevaron al Gobiernu del Principáu a activar la fase emerxencia en situación 0, la más baxa de los cuatro previstes, del Plan de Quemes Forestales del Principáu d’Asturies (INFOPA). Según informó’l Serviciu d’Emerxencies del Principáu d’Asturies, la ventena de quemes forestales rexistrárense nos conceyos de Cangues d’Onís, Cangas, L.lena, Llanes, Morcín, Piloña, Peñamellera Alta, Ribedeva, Yernes y Tameza, Tinéu y Valdés.
- Fonte: El Comercio / videu
Otru factor que motivó l’activación de l’alerta foi la previsión del tiempu. Les condiciones meteorolóxiques previstes para güei, con vientos de componente Sur y raches d’hasta 110 kilómetru per hora nel Cordal y los Picos d’Europa pueden complicar los trabayos para controlar los focos.
Esti plan activase de forma automática, añalmente, coincidiendo coles dómines de peligru altu y mediu que n’Asturies se correspuenden, respectivamente, colos periodos entendíos ente’l 15 de xineru y el 30 d’abril y ente’l 15 de xunetu y el 15 d’ochobre.
