El gran institutu que va abrir n’Uviéu busca director y estos son los requisitos: un proyectu para educar a 520 alumnos. Los aspirantes tienen que ser funcionarios de carrera nel sistema educativu del Principáu con siquier cinco años d’antigüedá. L’institutu más grande d’Asturies, llistu para 2025, va tar en La Corredoria.
Tener destín nun centru educativu dependiente del Principáu y una antigüedá de siquier cinco años como funcionariu de carrera na función pública docente son dos de los requisitos que tien que cumplir la persona que va dirixir l’IES Margarita Salas. La Conseyería d’Educación convocó’l concursu de méritos para escoyer a la persona que va exercer esti llabor nel segundu institutu que va abrir les sos puertes el próximu cursu en La Corredoria y naquellos centros docentes públicos que tienen vacante la dirección.
Les bases recueyen que para aspirar al puestu tiense qu’exercer funciones docentes como funcionariu de carrera, mientres un periodu de siquier cinco años, en dalguna de les enseñances qu’ufierta’l centru al qu’opta. Tamién hai que presentar un proyectu de dirección para cuatro años. Este va tener una estensión d’ente diez y venti páxines.
El candidatu que resulte escoyíu tendrá de superar un programa de formación sobro competencies pal desempeñu de la función directiva. La Conseyería d’Educación decidió recurrir al procedimientu ordinariu. Darréu, la dirección va nomar al restu del equipu: secretariáu, xefatura d’estudios y xefatura d’estudios axunta. N’Uviéu son dieciocho los colexos ya institutos con vacantes na dirección pal próximu cursu, a los que se suman otros de tola rexón, que se rixen por eses bases.
Noticia y galería de semeyes en LNE https://www.lne.es/…/imagenes-inauguracion-obras-ies… y El Comercio https://www.elcomercio.es/…/instituto-corredoria…
