- Cogersa/ imaxe / #ZeroWasteDay /Más info: https://hogaresresiduocero.es/
La ONU convócanos güei a celebrar el Día Internacional de Cero Refugayes #ZeroWasteDay qu’anguaño fai fincapié na necesidá d’actuar nel sector testil y de la moda para amenorgar les borrafes y avanzar na circularidá. N’Asturies apenes se recueye por separáu’l 14% de les borrafes testiles que xeneramos (Moda-re, 2021) lo que supon que cada añu acaben nel vertideru central de Serín unes 34.000 tonelaes de ropa y calzáu. Podemos camudar esti enclín si dixebramos les prendes usaes y apurrir a les distintes opciones de preparación para la reutilización y el reciclaxe qu’hai disponibles.
