- Fonte: La Voz /
El nuevu centru va arrincar en septiembre con toles etapes d’ESO y Bachilleratu y hasta 520 places disponibles.
L’Executivu asturianu autorizó esti llunes la creación del Institutu d’Educación Secundaria (IES) Margarita Salas, asitiáu nel barriu uvieín de La Corredoria, que se va inaugurar en septiembre colos cuatro cursos de Secundaria Obligatoria (ESO) y los dos de Bachilleratu y va incorporar el programa d’enseñanza de llingües estranxeres FALE+.
Con calter escepcional, Educación decidió empezar con toles etapes educatives -en llugar d’introduciles de forma progresiva- énte les dificultaes d’espaciu esistentes nel actual institutu del barriu. El centru va tener 22 unidaes -16 de Secundaria y 6 de Bachilleratu-, anque la previsión ye que s’inaugure con 4 de Bachilleratu.
L’IES Margarita Salas va ser el centru de referencia pal alumnáu escolarizáu nos colexos públicos La Corredoria, Poeta Ángel González y Carmen Ruiz -Tilve. L’alumnáu de 1º de la ESO va entrar pol procedimientu ordinariu d’almisión, ente que los estudiantes del restu de cursos van poder escoyer ente los dos institutos del barriu, y darréu, si hubiera desequilibrios ente la demanda y l’ufierta de places, realizaríase un sortéu curso a cursu pa cubrir les unidaes disponibles en cada institutu.
Nel primer añu actividá del centru van poder matriculase hasta 520 estudiantes nun centru nel que les obres tán executaes casi al 95%. Paralelamente, la conseyería peracaba los contratos p’adquirir el moblame xeneral y fornir el salón d’actos y los llaboratorios. El nuevu equipamientu educativu axudicose en 17,28 millones y ta financiáu con recursos del Fondu Européu de Desenvolvimientu Rexonal (Feder),
