Molina, la fema d’osu pardu cantábricu nacida en 2013 y que la so reintroducción na naturaleza fracasó, ye l’únicu exemplar qu’anguaño permanez sol cuidu de la Fundación Oso d’Asturies, en condiciones de semilibertad. Molina’, la osa de 12 años qu’agora se quedará bien sola» A los vecinos de la zona esmolez-yos el bienestar emocional de la osa: «La soledá ye bien mala. Afecta a les persones y tamién a los animales»
- Fonte: RTPA /
Molina foi atopada mancada’l 19 de setiembre de 2013 en Riomolín (Cangas) y, en siendo atendida nel Centru de la Fauna de Sobrescobiu, lliberada nos montes de la Reserva Integral de Muniellos el 29 de payares. Magar actuar con normalidá mientres los primeros quince díes y esquizar la redolada de Muniellos, empezó a averase a delles viviendes de Degaña, ensin que fuera posible alloñase del núcleu urbanu. Énte la so incapacidá p’afaese de nuevu al mediu natural y tres una xunta d’espertos pa decidir la respuesta más fayadiza, la Conseyería decidió la so captura y treslláu a la corralada pequena de la Fundación Oso Asturies, onde permaneció aisllada hasta agora.
El Conseyu Asesor del Plan de Recuperación del Osu Pardo nel Principáu d’Asturies, n’aldericando la tema del futuru de la osa, alcordó que cuando algamara la talla fayadiza sería treslladada a la corralada grande del monte Fernanchín, onde se caltendría en réxime de semilibertá en previsión de futures actuaciones col animal.
