La previsión del tiempu n’Asturies para esti domingu: esperamos un día cargáu de nubes.
La previsión del tiempu n’Asturies para esti domingu: esperamos un día cargáu de nubes. Les precipitaciones van ser de calter débil pela mañana con enclín a unviar, sobremanera, a partir del mediudía salvu nel cordal y otres zones del terciu sur asturianu onde entá va poder siguir lloviendo sele mientres el restu de la xornada.
Nun se descarten dellos falopos de nieve nos cumes más altos del Principáu cuidao que la cota va rondar los 2000 metros aprosimao. Los vientos van ser fluexos predominando de noroeste.
Les temperatures máximes van baxar un pocu entá ye más tres el descensu sufiertu’l sábadu. Concretamente, prevese que baxen unos 3 ºC aprosimao salvu nel suroccidente onde se van caltener ensin grandes cambeos. Poro, apenes se van superar los 15 ºC na mayoría de poblaciones asturianes nel día del domingu. Tocantes a les temperatures mínimes, van baxar tamién un par de graos y, a priori, van rexistrase a última hora del día.
El llunes nun se refuguen nuevamente delles precipitaciones pero va ser el martes cuando encaremos un día lluviosu en tol Principáu d’Asturies.
