La probabilidá de bastios va ser mayor mientres la segunda metá del día.
La previsión del tiempu n’Asturies para esti martes: esperamos intervalos nublos con más nubosidá cuanto más movamos escontra’l cordal.
La probabilidá de bastios va ser mayor mientres la segunda metá del día anque, de forma aisllada, nun se refuguen tamién pela mañana. Estes precipitaciones probablemente tean irregularmente partíes pero, a priori, hai una mayor enclín de qu’afecten con mayor frecuencia sobremanera a la metá sur asturiana.
Los vientos van predominar de componente oeste con intensidá moderada.
Tocantes a les temperatures, prevese un descensu notable de les máximes. Van Baxar ente 6 y 8 ºC prácticamente en tol Principáu. Poro, esperamos una xornada bastante embruscada. La cota de nieve va rondar los 800/900 metros mientres tol día.
El miércoles esperamos más estabilidá pela mañana con momentos inclusive de grandes claros. Pela tarde vamos tener mayor nubosidá y precipitaciones débiles que van entrar pel oeste y van movese escontra l’oriente asturianu. Les temperatures, llixeramente, van empezar a recuperase.
