Esperamos una xornada con temperatures bien prestoses gracies al predominiu de vientos de componente sur.
Estos vientos van poder ser localmente fuertes nel cordal y moderaos en tol occidente y otres zones de la metá sur asturiana. A la fin del día, los vientos rolarán y van afitase de componente oeste con delles raches fuertes na mariña nel momentu del xiru.
Les nubes van ser de tipu mediu y alto mientres prácticamente tol día. La probabilidá de precipitaciones va ser baxa pela mañana pero va aumentar a lo llargo de la tarde con posibilidá de bastios irregularmente partíos. A últimes hores, cuando se produza’l cambéu na orientación del vientu, va entrar una masa de precipitaciones que se va estender por tol Principáu.
Les temperatures máximes van caltenese respectu al xueves polo que, como mentábamos antes, va ser una xornada prestosa. Les mínimes, amás, van xubir de forma significativa, especialmente nel centru y nel oriente asturianu.
El sábadu, sicasí, van baxar les temperatures y nun se refuguen nevaes a partir de los 1000 metros d’altor (sobremanera a la fin del día).
🌧️ Güei Vienres Santu n’Asturies vamos tener cielu nublu o cubiertu con agües y bastios dende la mañana. 🌡️ Xuben les mínimes y máximes ensin grandes cambeos. 🌬️Vientu del sur rolando a oeste con raches fuertes nel Cordal Cantábricu.
