Vamos amanecer con cielos estenos en tol Principáu. A lo llargo de la mañana van apaecer nubes de tipu baxu na mariña y, a partir del mediudía, dirán estendiéndose escontra l’interior hasta llegar a cubrir prácticamente tola rexón a la fin de la tarde salvo nel cordal y zones próximes. Los vientos van ser fluexos y van acabase afitando de noroeste mientres el día. Les temperatures máximes van xubir de forma xeneralizada, pero dichu ascensu va ser más significativu escontra’l sur d’Asturies. Tocantes a les mínimes, van baxar nel cordal central y nel suroccidente, van xubir na mariña oeste y van caltenese ensin cambeos nel restu.
El xueves va empezar el día nublu salvu nel terciu sur y nel estremu oeste onde los cielos van tar estenos. Col intre de les hores vamos reparar como les nubes dirán retirándose para dar pasu a una segunda parte del día asoleyada. Los vientos van ser fluexos y variables nel interior, y van soplar de nordeste-esti na mariña con raches moderaes.
Tanto’l miércoles como’l xueves nun s’esperen precipitaciones. Pero, sicasí, el vienres pela tarde prevense bastios nel interior.
- Fonte: El Comercio
