Esperamos bien bon tiempu en tol Principáu d’Asturies. La probabilidá de precipitaciones va ser totalmente nula cuidao que nun va llover en nengún rincón de la rexón en toa’l día. Los cielos van tar estenos salvu, sía que non, delles nubes de tipu baxu que podríen apaecer pela tarde nel oriente asturianu.
Los vientos van ser fluexos y variables pela mañana, afitándose de nordeste a partir del mediudía con raches que podríen aportar a moderaes. Les temperatures máximes van xubir especialmente nel cordal y nel terciu occidental. Nel restu, l’ascensu va ser más llixeru (hasta 2 o 3 ºC más que’l sábadu). Les mínimes, sicasí, van baxar de forma xeneralizada.
El llunes vamos empezar una selmana na que va venir protagonizada por unes temperatures con ciertos tintes branizos. Ello ye que mañana llunes van siguir xubiendo los termómetros, al igual que lo fadrá’l martes y el miércoles. Podrán superase los 25 ºC n’Asturies y, nun se refuga que puedan llegar a los 30 ºC nes zones más templaes de la rexón. En cuanto al estáu de los cielos, el llunes va ser un día soleyeru con, a lo sumo, delles nubes altes pol occidente que podríen apaecer col intre de les hores. El martes tamién va ser una xornada protagonizada pol sol.
