La presencia mientres estos díes d’una umbada nel océanu Atlánticu va traer el predominiu de vientos de sur que va facilitar un ascensu de les temperatures xeneralizáu. Concretamente, el llunes vamos esfrutar d’un día soleyeru en tola rexón anque, a partir del mediudía, nun se refuga la presencia d’intervalos de nubes altes insignificantes.
Los vientos, como se mentó enantes, van soplar de sur moderaos salvu na mariña onde van predominar de componente este. Les temperatures máximes van xubir hasta 6 o 7 ºC respectu al domingu en tol Principáu. Les mínimes tamién van xubir anque de forma más moderada.
El martes volveremos tener otru día soleyeru na rexón con, nuevamente, dellos intervalos de nubes altes ensin importancia. Les temperatures máximes volverán xubir, sobremanera, nel centru. Les máximes podríen llegar a averase a los 30 ºC. Les mínimes tamién van xubir.
El miércoles va camudar el tiempu a partir de la tarde-nueche cola llegada d’una masa de precipitaciones que van entrar pel oeste y per el sur, estendiéndose al restu de la Comunidá Autónoma.
El xueves, día festivu, esérase, en principiu, estabilidá anque van baxar les temperatures.
