- La Flor De Grau está en Capilla de los Dolores.
Ayeri foi un día mui especial nel que fiximos entrega a Mariluz Cristóbal Caunedo del primer galardón que lleva’l nome de la nuesa asociación. Nel marcu de les celebraciones de la Primera Flor, reconocimos la trayeutoria de la gran dama de la canción asturiana y, pa ello, cuntamos cola collaboración de grandes figures del panorama musical asturianu. Xuntamos voces moces prometedores y voces ya consolidaes.
Damos les gracies a Ainhoa García, Fina Álvarez y Marina Carbajosa poles sos interpretaciones musicales. Asina mesmo, damos les gracies al Taller «Lolo Cornellana» por regalanos dos pieces de la misa de gaita asturiana.
Dende un puntu de vista académicu, los doctores en Musicoloxía @luispola94 y Llorian García glosaron la figura de Mariluz, recoyendo los sos innumerables llogros y destacando’l so enorme valor humanu. Tamién se lleeron unes pallabres del catedráticu Ángel Medina sobre la galardonada.
En cuanto al troféu, ye una pieza única fecho pola ceramista Natalia Suárez del taller @woodic, tomando como referencia’l nuesu logotipu (@berto.graphic)
Agradecemos a tolos que nos acompañastis ayeri na Capilla nun día tan especial pa nós. Ye una sensación preciosa.
El agradecimientu faise extensible al Ayuntamientu de Grau (@ayto.grau) pola so collaboración con estos premios y a la Caja Rural d’Asturies (@cajarural) por grabanos pa Canal Prestosu.
Yá sabéis: queden convocaos los Premios La Flor de Grau 2026.
