La cultura asturiana rindi homenaxe al periodista Damián Barreiro nun actu musical col títulu ‘Universu Damián’. Confirmaron la so presencia artistes y personalidaes que representen el mundu del qu’escribía’l periodista. La Casa de Cultura d’Avilés va acoyer esti vienres un actu d’homenaxe al periodista y escritor que finó’l pasáu 5 de febreru a los 40 años.
L’actu, entamáu pol Conceyu d’Avilés y la Xunta pola Defensa de la Llingua Asturiana (XDLA), organización na que militaba’l periodista.
- Damián Barreiro:/ Instagram / Facebook / canal Youtube /
- Noticies: Nortes.me /
💙💛 Ayeri, Avilés foi escenariu d’un momentu mui especial n’alcordanza de Damián Barreiro. La conseyera de Cultura, Política Llingüística y Deporte, Vanessa Gutiérrez, asistió al homenaxe emotivu ‘Universu Damián’, periodista comprometíu cola nuestra llingua y cultura, organizáu pola Xunta pola Defensa de la Llingua Asturiana. 🙏 Un reconocimientu más que merecíu a un home que punxo voz y corazón al asturianu dende los medios.
Col títulu ‘Universu Damián’, confirmaron la so presencia artistes y personalidaes que representen el mundu del qu’escribía’l periodista, como los intérpretes Rodrigo Cuevas y Mariluz Cristóbal Caunedo.
La organización esplica al traviés d’una nota de prensa que l’actu ta pensáu «con munchu ciñu» y «ta fechu d’amistá», por xente que quería a Damián y que va recordalu a «la so manera». La idea, según recueye Europa Press, ye rendiyi tributu a la so memoria coles coses que-y prestaben, aquelles sobre les qu’escribía y nes que militaba.
Llicenciáu en Periodismu pola Universidá del País Vascu, Barreiro yera ensayista y taba especializáu en cuestiones rellacionaes cola cultura asturiana.
