La localidá más «caliente» de too el país ta güei n’Asturies: 29,4 graos. Munchos asturianos viven la matinada» del apagón nes sableres con un tiempu cien per cien veraniega que mañana s’acaba…
El puntu más templáu de toa España ta n’Asturies y más en concretu en Mieres. Los termómetros algamaron esti martes nel Principáu los 29,4 graos.
Según datos de l’Aemet, Tinéu (28,7 graos), Salas (28,3), Uviéu (27,5) y Xixón (27,5) tamién tuvieron mui cerca de llegar a los 30 graos. Ello ye que Tinéu ye la segunda localidá más calorosa del país.
Con esta fola de calor, cien per cien veraniega, vivió Asturies la matinada» del apagón qu’esti llunes paralizó por completu la Península Ibérica. Gracies al bon tiempu, munchos asturianos optaron por “desconectar” del llunes negru que dexó ensin electricidá tol país a la vera del Cantábricu. Eso sí, el mar, entá fríu, solo foi aptu para los más valientes. Pero sobro’l sable les temperatures dexaron esfrutar de bonos baños de sol.
Esti «preverano» va durar pocu y la toballa y la sombriella van tener que guardase de nuevu nos próximos díes. Según el pronósticu de l’Aemet, mañana miércoles el día na rexón va empezar siendo poco nublu, anque les nubes van dir a más mientres la mañana y acabarán per cubrir per completu los cielos pela tarde.
Tamién s’esperen agües y bastios, que se van estender d’oeste a este a partir del mediudía y que van poder dir acompañaos dacuando de nubes. Les temperatures van baxar, anque tampoco demasiaos. Los termómetros van rondar los 22, 23 o 24 graos.
¿Y pa’l 1 de mayu festivu? Más agües y temperatures en descensu. En concretu, l’Aemet preve cielos nublos con agües o bastios esvalixaos, más probables mientres la madrugada y pela tarde. La baxada del mercuriu va notase especialmente na franxa mariniega. Y el vienres podría llover nuevamente, pero les temperatures volverán xubir.
