Una ponte del Primeru de Mayu apináu de planes para esfrutar n’Asturies. Al marxe de la xornada reivindicativa del 1 de mayu y anque el vienres ye llaborable n’Asturies, l’axenda d’ociu ta llena hasta’l domingu de feries, festivales y fiestes para tolos públicos. El Comercio
Casi ensin tiempu para reponese de les celebraciones de Selmana Santa, llega la ponte del Primeru de Mayu. Anque’l vienres ye un día llaborable n’Asturies (non xornada lectiva nos centros educativos), l’axenda d’ociu del Principáu ta llena hasta’l domingu, día 4, de feries, festivales y fiestes para tolos públicos.
Cola histórica movilización del Día Internacional de losl Trabayadores, qu’anguaño los sindicatos asturianos treslladen a Mieres, coincide la tradicional Xira al Banzáu de Trasona. L’animación va empezar a les 10 hores y va enllargase hasta les 21 hores, cuando ta previstu fin de fiesta del Pantanazo, que’l so cartelu ta encabezáu por Héctor Llamazares ya inclúi tamién a Cristian Merín, Llee-Nosh y Kekinnn.
Tamién asitiaes en redol al 1 de mayu tán la Feria d’Amueses de Tinéu, referente comercial del Occidente d’Asturies; la Selmana del Floriamientu de los pumares, que se va desenvolver hasta’l domingu nos conceyos de la Contorna de la Sidra; y la popular Feria d’Abril d’Infiesto.
Música y gastronomía. En Xixón, l’axenda d’ociu tien dos propuestes destacaes: el Vespa World Days 2025, que mientres cuatro díes va axuntar na ciudá a unes 3.000 motos procedentes de 37 países, y el LEV, que va esplegar les sos creaciones artístiques en distintos allugamientos y equipamientos culturales de la villa.
La música y la gastronomía van ser los reclamos de les nales d’Asturies. En Llanes celebrará los díes 2 y 3 el Festival Vidiago Rock XXI y en Castropol va inaugurase mañana’l festival Somos la Ostra, una de les entraes más conocíes de l’axenda gastronómica d’Asturies para estos díes.
Nos conceyos de les cuenques y l’área central, pela so parte, l’ociu va ser de tradición col XXI Mercáu Quirosán, que va tener llugar en Bárzana el sábadu (de 11 a 22 hores) y el domingu (de 11 a 20 hores), y el mercáu tradicional de Santo Marina, en Siero, que va celebrar una nueva edición de la so Mercáu Tradicional. Y los aficionaos al teatru tienen una cita en Villaviciosa, onde se va celebrar el Festival Acuto.
