Esti sábadu esperamos una mañana soleyera en tol Principáu d’Asturies.
A partir del mediudía, vamos empezar a reparar la entrada de nubosidad que va llegar dende’l sur polo que la previsión meteorolóxica de cara a la tarde va ser bien distinta. Estes nubes van poder dexar bastios d’orixe tormentosu que van ser irregularmente partíos ya intermitentes. L’Axencia Estatal de Meteoroloxía va activar a partir del mediudía en tolos sectores de la rexón l‘avisu mariellu por posibilidá de fuertes agües (hasta 15 llitros per metro cuadráu nuna hora) y la presencia de xarazo.
A priori, l’occidente asturianu va ser el más afectáu cuidao que, emprestando atención a los modelos meteorolóxicos, va ser onde más precipitación se rexistre. Los vientos van soplar de sur nel cordal y otres zones del interior, siendo variables na mariña.
Les temperatures máximes van baxar llixeramente y les mínimes apenes van variar. El domingu vamos tener más nubosidad yá dende pela mañana pero, en principiu, los bastios volverán ser más frecuentes de cara a la segunda metá del día. Los vientos, anque van empezar de sur, van acabar predominando de norte. Les temperatures van baxar en tola Comunidá Autónoma. Para’l llunes y el martes espera un nuevu descensu térmicu y nieve a partir de los 1500 metros d’altor.
