Foi declaráu pola ONU en 1992 coles mires de valorar y reconocer el valor de les matrones o parteres nel momentu d’atender a les muyeres embarazaes y la posterior nacencia de los ñácaros. Son les profesionales de la sanidá que meyor preparaes tán p’atender l’embaranzu y el partu.
Les matrones son les profesionales de la sanidá que meyor preparaes tán p’atender l’embaranzu y el partu. Pueden dar asistencia a les muyeres que deciden dar a lluz fora de les clíniques o recintos asistenciales. Son profesionales debidamente entrenaes y capacitaes p’atender el partu dende la comodidá y la privacidá de los llares de les muyeres.
Estes especialistes, polo xeneral, trabayen de manera asistida colos médicos, esto ye necesariu, por si llegara a presentase dalguna emerxencia antes o mientres el partu.
Evidentemente esta oficiu exércenlu muyeres y homes, pero la Real Academia de la Llingua nun recueye la palabra «matrón» pa referise a un home qu’exerz l’oficiu de matrona. Por tanto suelse usar la palabra «matrona» pa referise tanto a la muyer como al home qu’exerz l’oficiu.
La matrona ye una especialista, quien tien de tar capacitada pa desempeñar una serie de funciones que se detallen de siguío:
- Dar asistencia a les madres embarazaes antes, mientres y dempués del partu.
- Llevar un estrictu control de too l’embaranzu.
- Axuntase mientres la xestación de la madre colos médicos acreditaos mientres tol períodu del embaranzu.
- Asistir a la muyer mientres el partu.
- Tar preparada ante una posible emerxencia mientres el procesu de partu.
- Informar y preparar al restu del grupu familiar de los cuidos del ñácaru y la madre mientres el periodu de post-partu.
Nun puedo confirmar que ser matrona sía l’oficiu más antiguu del mundu pero si una d’elles más antigües. Y ye que ye bien sabío que dende los tiempos más remotos les muyeres ayudáronse unes a otros tantu a la hora del partu como a la preparación d’ésti.
Ye más, vemos pruebes históriques que revelen la esistencia de muyeres esperimentaes que curiaben a otres muyeres nel so embaranzu, partu, postparto, ya inclusive teníen conocencies para evitar embaranzos y para solliviar el dolor de partu.
