Esperamos una xornada nubosa con precipitaciones que van ser más probables y frecuentes mientres la mañana. A lo llargo de la tarde la inestabilidá va unviar y, amás, dirán abriéndose grandes claros empezando pola mariña y, finalmente, tamién nel interior. La cota de nieve va rondar los 1000/1100 metros a primeres hores de la mañana, xubiendo hasta los 1400 o 1500 metros col intre de les hores. Los vientos van predominar de nordeste con raches moderaes, sobremanera mientres la segunda parte del día. Les temperatures van baxar, tanto nel casu de les mínimes como nel de les máximes, de forma xeneralizada y llixera (hasta 1 o 2 ºC menos que’l llunes).
El miércoles vamos tener cielos poco nublos o estenos en tol Principáu d’Asturies yá dende’l principiu del día. A lo llargo de la tarde ye previsible qu’aumente la nubosidá d’evolución dende’l cordal pero, a priori, nun esperamos precipitaciones.
Los vientos van ser fluexos y variables nel interior, y de nordeste-esti moderaos na mariña. Les temperatures máximes van xubir ente 3 y 4 ºC en tola rexón. Sicasí, les mínimes van baxar llixeramente un pocu más al respective de les que vamos anotar el martes.
