La Pornacal, un símbolu vivu del nuesu patrimoniu

• verasturies y asturiasguideofficial
• La Pornacal: Callejeandoporelmundo / Turismo Asturias / Wikiloc /

Un paséu hasta La Pornacal. Fai bien mizcu publicaba la llista de les 7 maravíes d’España, y como non, La Pornacal xuntu con tol Parque Natural de Somiedu foi catalogáu como una d’elles y nun ye para menos.

Vistes de La Pornacal dende lo alto Esta braña, y tol so conxuntu, esti pueblu del conceyu de Somiedu bien se merez esta distinción y ye que, perdíu nos montes, La Pornacal ta formada por un conxuntu d’unos 32 «teitos«, cases qu’utilizaben y utilicen los ganaderos para protexer al so fatáu mientres l’iviernu y ye la meyor caltenida y la mas grande de les brañes d’esti tipu.

Ruta hasta la Pornacal dende Villar de Vildas. Pa llegar a La Pornacal tienes que faelo a cuerpu. Anque sí apuerten los coches solo tán dexaos aquellos vehículos que pertenezan a la xente del pueblu, lo cual ye normal. Si quies llegar a equí nun te va quedar otra que xubir los más de trés kilómetros que la dixebren de Villar de Vildas, el pueblu onde vamos dexar el coche nun aparcamientu habilitáu pa ello al llau de la Ilesia. Equí vamos ver un indicativu de ruta (PR-14).

Salimos so un preciosu y calorosu día de branu, y nuna hora, aprosimao, llegamos a la braña. En concencia cubrió toles mios mires y más, yá que nun m’esperaba nin que fuera tan grande nin que tuviera tan bien caltenida.

Entre teitos en La Pornacal. Dimos un guapu paséu por ente los teitos. La tranquilidá que s’alienda nestos sitios ye polo que n’ocasiones me tengo qu’escapar. Nestos llugares ye onde consigues escaecete del mundu, onde consigues atopate contigo mesmu y onde dexes tras el ruiu que te fai nun poder escuchate. En momentos d’estrés, en momentos nos que nun sabes onde tas, lo meyor ye salir a pasiar y nada como estos pueblos asturianos, pequeños, tranquilos, ensin ruiu, ensin xente, arrodiaos de montes y cubiertos per un cielu azul. Equí si atopes tranquilidá. Esto ye’l Paraísu, el nuesu Paraísu Asturianu.

 La Braña Los Cuartos. Pero la ruta nun terminaba equí ya inda nos quedaben unos kilómetros d’ascensu más pa llegar a la braña Los Cuartos, muncho más pequena que l’anterior pero más antigua. Equí foi onde llevantamos el campamentu y comimos so esta formosa redolada.

 Va un tiempu yá vos falé de Somiedu. El mio primer artículu sobro esti Parque Natural foi pel hibiernu, cuando averamos hasta Valle del Llagu y afayamos lo que yera’l Silenciu. Aquel día prometí volver pa cuntar lo qu’afayara esi día, que más allá de la nieve escondía un autentico luxu asturianu. Volvimos y llegamos hasta’l Llagu del Valle y aquello, magar ser un *autentico paraísu, dexónos con ganes de más. Y tornamos. Tornamos pa conocer los Llagos de Saliencia y quedanos cola boca abierta énte tanta guapura, énte tanta maravía tan poco conocida.

Si nun conoces Asturies, si nun conoces Somiedu, yá tas tardando en coyer les maletes (nun fai falta muncho equipaxe) y venir afayar los encantos que tien el verde asturianu, los montes nevaos, la tranquilidá y l’amabilidá de les sos xentes. Esto si ye… El Paraísu.

 Asina dimos per concluyíu’l día, un día nel que precisaba realcontrame cola naturaleza y el campu. En total caminamos unos 12 km, nun tiempu averáu de 3 hores y media ente la xubida y la baxada. Poco esfuerzu pa un autentico luxu que nun debéis perder.